Kort tu dikena mutarka kes penyalah seksual nembiak mit sereta nentuka bala nembiak mit bulih sukung ari undang-undang
KUCHING: Orang ti ngerejaka penyalah seksual ngagai anak mit kelebih agi ba nengeri tu deka dibai terus ngagai kort enggau penumbuh Mahkamah Jenayah Seksual Terhadap Kanak-Kanak (JSKK) ditu, ti dipenyadika sehari tu.
Menteri Pengintu Pengelantang Pendiau, Pengelantang Raban Bansa, Orang Indu, Ruang Bilik enggau Pemansang Nembiak Mit, Dato Sri Fatimah Abdullah nyambut manah penumbuh kort khas dikena mutarka penyalah seksual ngagai nembiak mit ti keterubah di Malaysia enggau Asia.
Nitihku iya, nya amat beguna sereta diguna dikena meri keadilan ti patut ngagai nembiak mit.
“Kort khas tu amat beguna dikena nentuka orang ti ngereja penyalah nya di bai kena tinggang ukum ngambika nembiak mit nya bulih sukung undang- undang ti
Kort khas tu amat beguna dikena nentuka orang ti ngereja penyalah nya di bai kena tinggang ukum ngambika nembiak mit nya bulih sukung undangundang ti jampat awakka ulih neruska pengidup enggau meruan. Dato Sri Fatimah Abdullah Menteri Pengintu Pengelantang Pendiau, Pengelantang Raban Bansa, Orang Indu, Ruang Bilik enggau Pemansang Nembiak Mit
jampat awakka ulih neruska pengidup enggau meruan,” ku iya nengah sebengkah penerang ditu.
Bejaku baru penumbuh JSKK setipak amat diatu laban dunya lebih agi udah meda nembiak mit lebih terdedah ngagai penyalah seksual.
“Penumbuh JSKK ba Kuching, Sarawak endang ngayanka perintah komited nyendiaka pengidup ti likun ngagai anak kitai nyengkaum kandang endur ti kondusif ke pengerembai fizikal, runding enggau rohani sida,” ku iya.
Statistik ari Opis Pengintu Pengelantang Pendiau Raban Bansa (2015-2016) ngeripitka sepenyampau 5,779 kes ‘penderaan’ seksual ngagai nembiak mit dirikodka ari taun 2010 ngagai 2015 enggau pukul rata 963 kes setaun.
Lalu polis ngerikutka 2,759 kes pasung, beleman mali (412 kes), ‘cabul’ (1,423 kes) enggau ‘seks luar tabii’ (422 kes) entara 2015 enggau 2016 ti mungkur sida ti beumur 18 taun ke baruh.
Ba Sarawak taun 2017, ari 234 kes seksual ti diriputka, sepenyampau 172 kes mungkur nembiak mit di baruh umur 18 taun iya nya kes pasung (119), ‘cabul’ (22), penyalah seksual ngagai nembiak mit (23), ‘seks luar tabii’ (8).