Unit nya ditumbuh kena ngintu pengelantang jalai pengarap bukai nyengkaum mutarka penanggul ditapi sida
LIMBANG: Pengawa numbuhka Unit Pekara Jalai Pengawa Bukai (UNIFOR) ba Opis Kepala Menteri, siti ari chara mutarka penanggul enggau peneka jalai pengarap bukai di Sarawak.
Sapit Kepala Sarawak, Datuk Amar Awang Tengah Ali Hassan madahka unit nya nyadi kereban dikena nentuka pengelantang jalai pengarap bukai diintu manah.
“Anang salah runding sentang pengawa numbuhka UNIFOR ba Opis Kepala Menteri. Unit ti ditumbuhka tu beguna amat dikena nentuka pengelantang entara jalai pengarap di Sarawak ngambika diintu manah ketegal ti ngembuan bemacham pupu bansa,” ku iya ba Seminar Pemansang Ummah 2018 ke diatur ba Masjid Baitul Imam, Limbang malam ensanus.
Sama bisi datai Sarawak Speaker DUN Datuk Amar Awang Asfia Awang Nassar, Kaban Kunsil Nengeri Bukit Kota Dr. Abdul Rahman Ismail, Kaban Kunsil Nengeri Batu Danau, Paulus Palu Ngumbang, penyandang Parlimen Limbang, Hasbi Habibollah, Yang DipertuaKaunsil Islam Sarawak, Datu Misnu Taha, Mufti Sarawak, Sahibus Samahah Datu Kipli Yassin, Direktor Besai Tabung Baitul Mal Sarawak, Datu Abang Mohd Shibli Abang Mohd Nailie, Residen Limbang, Ir.Ahmad Denny
Anang salah runding sentang pengawa numbuhka UNIFOR ba Opis Kepala Menteri. Unit ti ditumbuhka tu beguna amat dikena nentuka pengelantang entara jalai pengarap di Sarawak ngambika diintu manah ketegal ti ngembuan bemacham pupu bansa. Datuk Amar Awang Tengah Ali Hassan Sapit Kepala Sarawak
Fauzi enggau D.O Limbang, Jamalie Busri
Ku Awang Tengah, taja pan Islam jalai pengarap rasmi di Malaysia, tang orang ke ukai Islam nadai ditagang ngemeranka jalai pengarap sida, kelebih agi di Sarawak.
Perintah nengeri ku iya, mega bisi nyendiaka ungkup belanja ngagai jalai pengarap bukai ngamb ika b isi dikena ngaga aktivi nyengkaum ngintu rumah jalai pengarap sida.
Berebak enggau nya, Awang Tengah dekaka raban Islam di nengeri tu berakup lalu nyeliahka penyerekang penemu enggau pangan diri nyengkaum semua komuniti.
“Pemadu beguna ngintu pengelikun ba pengidup mensia mayuh, lalu perintah beratka penyerakup enggau pengelantang mensia mayuh,” ku iya.
Di Sarawak ku iya, ulah mantu enggau bebasaka pangan diri udah lama dikemeran.
Kelimpah bisi bemacham pupu bansa sereta bebida jalai pengarap tang kitai idup lantang, ku iya.
Enda sebaka enggau menua di Timur Tengah ke alai sida din charut lalu rayat tusah,ku iya.
Awang Tengah madahka Islam ngajar orang ti megai pengarap nya ukai semina nyaga kaul sesama mensia tang mega sayau lalu ngintu environmen.
“Islam ukai semina ngajar orang ti megai pengarap n y a n gedutka kaul enggau Tuhan tang mega enggau mensia mayuh, institusyen ruang bilik nyengkaum kaul enggau environmen,” ku iya.
Ba peng erami nya, Awang Tengah bisi nyuaka pemeri n g agai penerima ari Majlis Islam Negeri Sarawak.