Program penemu bekaul penyalah seksual meseti bepun di sekula Kelebih agi di sekula primari ngambika nembiak mit mereti pekara nya
KUCHING: Program meri penemu bekait enggau penyalah seksual ke nyadi ba anak mit meseti digaga di sekula kelebih agi ba sekula primari di menua tu.
Menteri Pengelantang Pendiau, Komuniti, Orang Indu enggau Pemansang Anak Mit, Datuk Seri Fatimah Abdullah madah program tu berat ngambika anak mit nemu sereta mereti pasal pekara nya.
“Opis Menteri kami nengah Opis Kaunsil Pemansang Pengawa Rama (MPS) sereta Gerempung Orang Indu ke Orang Indu Sarawak (SWWS) udah ngaga mayuh program meri penemu bekait enggau pekara tu ngaga sekula primari.
“Entara pekara ke dipadah kami ngagai anak mit di sekula bansa tu, ni bagi ba tubuh sida iya tau di tegu enggau likun, bakani ku chara sida iya napi penanggul tu enti pengawa nya amat-amat nyadi ba sida iya, undang-undang ke bisi bekait enggau genteran tusun ukum ‘Akta Kesalahan Seksual Terhadap Kanak-Kanak 2017’ sereta pekara bukai.
“Nya alai, kami sigi meransang piak opis ke nyaga pengelantang pendiau nem-
Opis Menteri kami nengah Opis Kaunsil Pemansang Pengawa Rama (MPS) sereta Gerempung Orang Indu ke Orang Indu Sarawak (SWWS) udah ngaga mayuh program meri penemu bekait enggau
primari. ” pekara tu ngaga sekula Datuk Seri Fatimah Abdullah Menteri Pengelantang Pendiau, Komuniti, Orang Indu enggau Pemansang Anak Mit
biak sekula (Hal Ehwal Pelajar tauka HEP)ngaga pengawa tu di sekula sida iya empu,” ku iya madah nengah siti penerang berindik ari kes siku pengajar ke beduan nembiak sekula indu di sebuah sekula primari di Miri, bedau lama tu tadi.
Sebedau nya, ba penerang nya, Fatimah meri puji ngagai orang keterubah iya ngaga ripot bekait enggau pekara nya, iya nya indu nembiak indu nya empu, ke ngeripot kes nya ngagai Kepala Pengajar kena 3 April tu tadi, lalu ditandu enggau ripot polis pengudah diasuh ulih Kepala Pengajar sekula nya.
Fatimah mega meri puji ngagai Kepala Pengajar ke ngasuh indai nembiak indu nya ngaga ripot polis ngambika orang ke ngaga pengawa salah nya (siku ari pengajar di sekula nya) badu agi ngereja pengawa nya lalu nyeliahka kes bansa nya nyadi baru ba nembiak bukai.
“Baka apai indai nembiak indu nya, aku pan pedis endar ati enggau pengawa ke digaga ulih pengajar nya.
“Enda salah ba apai indai ringat laban sida iya arapka pengajar nya, tang enda ulih dikarap, lalu nembiak nya ke nyadi mangsa berasai merinsa ukai semina ari sukut fizikal, emosi tang mega psikologi.
“Apai indai deka meda pengelurus ke anak sida iya lalu kami mega di opis menteri ditu deka meda pengawa salah bansa nya diketuka,” ku iya.
Fatimah mega meri puju ngagai Opis Tasat Pengawa Salah (JSJ) Sarawak ke betuaika Datuk Dev Kumar laban penyampat sida iya ngemutarka kes nya.
Penyampat sereta pengelandik piak polis meri pengarap ngagai apai indai sereta mensia mayuh, iya nya sistem undang-undang kitai miak sida ke kena tinggang penusah nya, lalu sida tu ila ke deka meda pengelurus nya nyadi, ku iya.