Nadai kebuah BN alah ba Parlimen Kanowit: Masing

KANOWIT: Nadai kebuah Barisan Nasional (BN) alah ba sitak Kanowit ba pengawa bepilih tu, pia ku Sapit Kepala Menteri Tan Sri Dr James Jemut Masing.

Ku iya, dua sitak kunsil negeri ke ari baruh parlimen Kanowit, baka Machan enggau Ngemah, sama ari baruh pegai BN.

“Nyema BN lalah ditu, nya ketegal semina siti kebuah, pengundi ditu enda nitihka semaya sida ti dekaka BN n getanka penuduk nya,” ku iya lebuh bejaku lebuh ke ngulu ‘Gawai Sandau Hari’ b a rumah chalun BN Kanowit, Datuk Aaron Ago Dagang, di Bejait ditu ensanus.

Masing, k e mega presiden Parti Rakyat Sarawak (PRS), dulu ari nya minta rayat dia ngetanka retain Aaron ny a di pen gari rayat sia ba renggat perintah besai.

Ku iya, nyema BN menang di Kanowit, ny a mega deka ngarika Ngemah enggau Machan meri servis ke manah ngagai rayat.

Bekaul enggau pengawa ningkilka empat ex- kaban kunsil besai PRS, nya ketegal penyalah sida empu.

Nengah metafora ku iya, sia ti ditingkilka nya baka ke deka nun u rumah diri (parti).

“Aku ngangkat ka sida ny adi sapit ketuai dalam rumah ny a tang sida deka ngeruntuhka rumah kami,” ku iya.

Berebak en ggau nya, Aaron, ti tiga penggal udah nyadi MP Kanowit,dipelaba betengali alan enggau chalun Parti Keadilan Rakyat, Satu Anchom.

Berebak enggau nya, Satu mega bisi ngatur peng awa ke sebaka ba Rumah Benet, Nanga Dapdulu ari nya.

Kanowit bisi 21,065 iku pengundi berejista.

Gawai Sandau Hari iya nya sebengkah pengawa minta berekat ari petara ke semina diatur maya siang hari di tanju.

Chalun BN Julau Datuk Joseph Salang Gandum, chalun BN Hulu Rajang Datuk Wilson Ugak, Kaban Kunsil Nengeri Murum Kennedy Chukpai, Kaban Kunsil Nengeri Pelagus Wilson Nyabong Ijang, Kaban Kunsil Nengeri Machan Allan Siden Gramong enggau Kaban Kunsil Nengeri Ngemah, Alexander Vincent sama bisi ngulu pengawa nya.