S’wak begunaka mayuh pengari rayat ba parlimen Ngambika ulih chakah mai pemansang sereta mantaika serebana rayat dalam parlimen: Dr Sim
KUCHING: Nengeri tu begunaka mayuh pengari rayat ba parlimen ngambi ulih dipending sereta chakah agi mai pemansang kitu.
Menteri Kaunsil Kandang Menua enggau Pengawa Berumah Datuk Sim Kui Hian madahka peranak nengeri tu patut nemu enti semina kaban kunsil nengeri (ADUN) disema baka ‘siti injin’ tang enti bisi pengari dalam parlimen reti iya kitai bisi ‘dua injin’ ke ulih ngenykakah ka agi pemansang nengeri tu.
“Enti Sarawak menang besai (ba pengawa bepilih besai) reti iya kitai mayuh ‘injin’ sereta mayuh ke ulih diambi pulai baru baka penguntung ari Petronas, duit nya pulai ngagai anak Sarawak, kitai ulih ngadu mayuh pekara.
“Manifesto Barisan Nasional ( BN) nengeri deka ngambi pulai baru hak dalam MA63 nyengkaum penguntung ari Petronas.
“Nya kebuah kitai enda tau enda ngasuh Sarawak
Enti Sarawak menang besai (ba pengawa bepilih besai) reti iya kitai mayuh ‘injin’ sereta mayuh ke ulih diambi pulai baru baka penguntung ari Petronas, duit nya pulai ngagai anak Sarawak, kitai ulih ngadu mayuh pekara. Datuk Sim Kui Hian Menteri Kaunsil Kandang Menua enggau Pengawa Berumah
menang, kitai deka nentuka ukai semina bekaul enggau duit tang kitai mega deka nambahka pemayuh pengari kitai ba parlimen,” ku iya ti mega Kaban Kunsil Nengeri (ADUN) Batu Kawa.
Dr Sim mansutka pekara nya dalam aum pengarang berita pengerami bejadika Manifesto P.196 Stampin ke diatur ba Bilik Operasi SUPP pampang Batu Kawa ditu, kemari.
Kelimpah ari nya, Dr Sim ke nyadi chalun BN ba Parlimen Stampin ditanya bekaul enggau pengawa bekimpin, iya ngarapka peranak tauka pemilih dalam sitak tu ulih midaka gaya sitak parlimen nya diatu enggau dulu suba.
Iya ngarapka rayat ulih beratika manah sapa ke amat ulih mai pemansang sereta bejaku lalu ulih dipendingka parlimen.
“Aku deka rayat nemu, pengawa bepilih tu ukai semina ungkup Stampin tang pengawa bepilih tu ungkup Sarawak.
“Parti Tindakan Demokrtik (DAP) enda ulih nyaga Sarawak,” ku iya seraya ngarapka rayat ulih meri peluang ngagai Barisan Nasional ngemansangka sitak nya.