Salang ulih gawaka rayat enggau manah, tu bebida enti pengari rayat nya baru laban sida nadai peneleba
SIBU: Sapit Kepala Menteri Datuk Amar Douglas Uggah Embas nyukung amat penyandang Parlimen Julau Datuk Joseph Salang Gandum dipilih baru nyadi chalun ngetanka penuduk nya baru serak tu.
Uggah madah, penyakal sengaja bekenaka isu umur Salang dikena malut runding rayat dia ngambika enda ngundi iya.
Beambika chunto, Uggah madahka iya kala nyadi Kaban Parlimen ba pengelama tujuh penggal sebedau nyadi Kaban Kunsil Nengeri Bukit Saban.
Ku iya, ba timpuh nya iya nadai bepenanggul gawaka rayat enggau manah.
“Kitai udah meda sekumbang ke nyadi Kaban Parlimen Salang, iya udah mandangka diri gawa enggau manah kelimpah ngembuan penemu ke mayuh lalu peneleba iya tu patut bisi ba pengari rayat.
“Tu bebida enti pengari rayat nya baru laban sida nadai
Tusah agi enti pengundi di Julau ditu milih pengari sida ti ukai chalun Barisan Nasional (BN) sereta ukai orang ditu empu. Datuk Amar Douglas Uggah Embas Sapit Kepala Menteri Sarawak
peneleba.
“Tusah agi enti pengundi di Julau ditu milih pengari sida ti ukai chalun Barisan Nasional (BN) sereta ukai orang ditu empu,” pia ku iya madah maya datai ngulu Pengerami Begulai Enggau Rayat ba Rumah George Chungut, Nanga Nansang ditu, ensana.
Ku Uggah, semina Salang ti mega Sekretari Besai Parti Rayat Sarawak (PRS) aja cha- lun BN di Parlimen Julau.
Iya madah, nyema bisi sida ke bukai nya madahka diri chalun BN, nya bula lalu patut enda dikeibuhka.
Kelimpah ari nya, iya mega madahka bala tuai rumah di Julau enda ibuh nangika jaku empa sida deka dibuai nyema nyukung chalun BN di Parlimen Julau.
“Jaku munyi nya dibantai piak ti ngiga penguntung ngagai diri empu aja.
“Nadai kebuah kita tau digaga baka nya nyema enda nyukung chalun BN laban BN perintah ba renggat nengeri enggau perintah besai,” ku iya madah baru.
Sama bela datai maya tu iya nya Kaban Kunsil Nengeri Pakan Tan Sri William Mawan, chalun BN Parlimen Julau Salang, ex-Kaban Parlimenu Ulu Rajang Datuk Justine Jinggut enggau ex-ADUN Belaga Stanley Ajang.