Perintah nengeri Sarawak deka bekerejasama enggau perintah besai mutarka pekara bekaul hak enggau kuasa nengeri tu, ku Abg Johari
KUCHING: Perintah nengeri perintah nengeri enda ngalah kediri ngagai perintah besai enti bekaul enggau hal sereta kuasa Sarawak ti ditulis dalam perlembagaan, ku Kepala Menteri Datuk Patinggi Abang Johari Tun Openg.
Ku iya, sentimen ti bekaul enggau kaul rat entara kededua perintah ke lalu nyadika Sarawak ngalahka diri ngagai perintah besar, nya enda patut.
“Kitai endang bekerejasama enggau perintah besai tang ukai reti kitai alah ngagai sida, tu bekaul ngagai hak enggau kuasa masing-masing.
“Ambika banding ngenang pasal tanah ke alai kitai bisi hak eksklusif 100 peratus, kitai enda ulih meri hak nya ngagai perintah besai laban nya hak Sarawak ke dilis dalam perlembagaan.
“Reti iya, enti perintah besai deka bisi ngadu utk ba atas tanah kitai, sida patut minta pemendar enggau baka nya mega enti kuasa tauka hak nya di baruh perintah besai, kitai mega patut akur ngagai sida,” ku iya ba sesi berandau enggau media ba bangunan Kunsil Nengeri (DUN) lama ditu, malam ensanus.
Ngenang pasal Pengawa Bepilih Besai Ke-14 (PRU14), abang Johari udah mantaika pengandal iya nya Barisan Nasional (BN) Sarawak deka teulihka juluk menang ba 28 sitak, ari 25 sitak ke dipegai maya PRU13 sebedau tu.
Terang iya, laban iya meda pengundi China ba Sarawak deka pulai ngagai BN, asil ari kerejasama dua parti bepelasarka Cina ti belaya sebedau tu, Parti Rakyat Bersatu Sarawak (SUPP) enggauu Parti Rakyat Bersatu (UPP).
“Aku bisi meda bisi kelai penyerakup dalam raban bansa Cina, pengudah SUPP enggau UPP begulai betapi pengawa bepilih tu.
“Tu kelai ti manah iya nya kitai ukai semina ulih ngetanka sitak ke disandang tang mega ulih menang sekeda sitak ari penyakal,” ku iya.
Berebak enggau tu, Abang Johari madahka diri puas ati enggau penyulut chalun baru BN nengeri dalam timpuh PRU14 tu, ti tinggal dua hari sebedau hari ngundi kena 9 Mei ila.
“Aku mega orang baru (chalun baru BN) pama amat sereta sida nerima peransang ke chukup manah ari rayat,” ku iya.
Kitai endang bekerejasama enggau perintah besai tang ukai reti kitai alah ngagai sida, tu bekaul ngagai hak enggau kuasa masingmasing. Datuk Patinggi Abang Johari Tun Openg Kepala Menteri