37 iku ketuai komuniti China, Iban nerima surat chiri ari Residen Sarikei
SARIKEI: Sepenyampau 37 iku ketuai bansa ari komuniti China enggau Iban nerima surat chiri megai pengawa sida ari Residen Sarikei, Mohamad Junaidi Mohidin ba pengawa diatur di Balai Sri Nyelong ditu, bedau lama ke udah.
Lima ari sida datai ari empat iku kapitan lalu siku tuai rumah ti baru dichiri seraya 32 iku ke bukai datai ari 11 iku kapitan enggau 21 iku tuai rumah ti ditampung baru servis sida.
Bala kapitan ti baru dichiri iya nya Ling sien Chuong, Ambrose Siaw Meng Heng, Fung Chong Hua enggau Huang Chee Chieng seraya Allin Ujang iya nya tuai rumah baru.
Bala kapitan ti ditampung servis iya nya Liong Siew Hang, Lim Boon Huat, Leong Pai Hua, Wong Siong Chew, Chew Kok Mow, Wong Yiik Siew, Wong Yuk Sit, Lu Pak Yew, Lau Ing Soon, Wong Sie Chiew enggau Hoo Siik Ngo.
Bala tuai rumah ti dipadu nampung pengawa sida iya nya Rabeling Gendun, John AAssan, Adeline Ligi, Guang Jalik, Naning Undong, Embas Jantai, Mawa Anding, Chuo Bujang, Lingga Ujang, Taka Jabu, Entagau Kasi, Awan Chandaang, Setia Ugok, Anggat Libau, Bajut Pak, Sabah Saong, Ibik Aji, Bansa Nanggal, Jawi singki, Tapoi Asak enggau Ribong Ikau.
Kaban Kunsil Nengeri (ADUN) Repok, Dato Sri Huang Tiong Sii ti bisi datai ngemataka pengawa nya, dalam jaku dipansutka iya, ngingatka bala ketuai bansa ke alai pengawa nyirika sida datai enggau tanggungpengawa besai.
Iya ngelalau sida ngambika bekerejasama enggau mayuh macham ejensi perintah laban iya pechayaka sida meretika tanggungpengawa enggau gaya servis ti disediaka perintah deka ulih mantu komuniti.
Tambah mega, bala ketuai komuniti nyadi sebagi ari sistem ngenataika perintah iya nya kereban dikena nentuka pemujur pejalai projek enggau program dilangkar, ku iya nambah.
Huang ke mega chalun Barisan Nasional ( BN) di penuduk sitak Parlimen Sarikei maya Pengawa Bepilih Besai Ke-14 tu, ngapil ngagai bala ketuai komuniti neruska sukung sida di belakang perintah.
Antara bala bisi datai iya nya Pemesai Pelilih Christopher Ranggau, Temenggong Junia Olia, Temenggong Frederick Wong Kung Kuong sereta bala ketuai komuniti bukai.