Agi bisi rumah panjai di menua tu ke bedau dikelai nengah kod tanah menua
MIRI: Perintah Menua betatika pemerat ngenyampatka proses pengawa nyukat perimeter Tanah NCR, ngambika jampat agi mega pala tanah diberi ngagai sida ke bempu tanah.
Sapit Kepala Menteri Datuk Amar Awang Tengah Ali Hasan madahka jamin nya ba mua urung 200 iku mensia mayuh ari rumah panjai lebuh sida iya enggau ngulu pengawa Pemesai Begulai enggau Rayat di genturung pendiau Rh. Panjai Ampik di Lambir, kena hari Minggu tu tadi.
Awang Tengah ti mega nyadi Menteri Kedua Pemansang Mengeri enggau Pengeraja Asal madah agi bisi sitak rumah panjai di serata menua tu ke lalu bedau dikelai nengah kod tanah menua.
Ku iya, berindik ari pengawa nyukat perimeter nya udah digaga dalam kandang berapa taun tu ke udah, iya madah Perintah Menua udah meri pala tanah ngagai sida ke bempu tanah NCR di rumah panjai.
Iya nandu baru madahka Perintah mega udah ngambi kuasa mungkal ngenyampatka agi pengawa nyukat perimeter tanah NCR.
“Nitihka pungkal kuasa baru nya, Perintah deka meresa sitak tanah nya, lalu nangkan nya, orang ke bempu tanah nya diasuh madahka penyampau sukat sida iya nitihka atur Seksyen 18 kod tanah, lalu ngelaika sitak nya ngena genteran tusun ukum Seksyen 6 ngena kod tanah ke sebaka.”
Iya nandu baru madahka Menteri Besai Datuk Seri Najib Tun Razak udah ngungkupka bejuta ringgit mantu Perintah Menua mayar ungkus nyukat perimeter nya kelimpah ari ngenyampatka agi mutarka penanggul ke bisi bekait enggau tanah NCR, ke nyadi pemerat Bumiputera di menua tu.
Iya madah, naka kediatu, urung 835,000 hektar tanah NCR di serata menua Sarawak udah disukat nitihka atur kededua buah Perintah, Mneua enggau Perintah Besai.
“Kami deka majak nyam- bung pengawa tu, taja pan ngaga pengawa nyukat tu nyangka deka ngambi timpuh ke lama laban pemesai menua kitai tu, lalu nambah enggau nya, rampa menua ke enda sebela.”
Berindik ari nya ku iya, iya minta kerejasama ari tetiap renggat mensia mayuh lalu nyamin deka ngemutarka penanggul NCR enggau naka pengelengkas.
Ba lansa bukai, iya madah Perintah mega udah meri ungkup kena ngemanah sereta nyambung bekal ai paip enggau elektrik ngagai menua pesisir.
“Sarawak ngelama tu enda kala nerim bajet ke besai ari Perintah Menua kena ngema- nahka pemansang perengka guna infrastruktur. Tang, baru pegai Datuk Seri Najib, iya udah meri bebiliun ringgit ke dikena kelebih agi ngemansangka pemun perengka guna infrastruktur di menua tu.”
Berindik ari nya, Awang Tengah ngelalau mensia mayuh bediri tegut bekalang Kepala Menteri, Datuk Patinggi Abang Johari Tun Openg lalu majakka sukung sida iya, ngambika Sarawak ulih jauh agi ulih dikemansangka ke rebak baru kitai.
Iya madah Sarawak bisi polisi ke terang lalu tentu orang Sarawak empu deka meda mayuh agi agenda pe-
Datuk Amar Awang Tengah Ali Hasan Sapit Kepala Menteri
mansang deka dibai ngagai menua tu.
Ba atur pengawa nya, iya besemaya deka meri geran Perintah nengah MRP (Projek Mit Menua Pesisir) enggau ungkup RM10,000 ke sebuah gerempung, ngagai Biro Orang Indu Rh. Panjai Ampik enggau Rh. Panjai Gindi di Lambir.
Sama bisi enggau ngulu atur pengawa nya, Speaker Kunsil Nengeri Datuk Amar Mohamad Asfia Awang Nassar, ADUN Lambir, Ripin Lamat enggau chalun BN ke sitak parlimen P.218 Sibuti Lukanisman Awang Sauni.