Agnes Ha dipadu champion Pekit Beautiful Mama 2
MIRI: Agnes Ha dipadu bulih gelar champion pekit Beautiful Mama 2 ti diatur di Boulevard Shopping Mall ditu kena malam Hari Lima tu tadi. (11/05)
Nyadi siti ari batang pengerami ari empat hari See Hua Consumer Fair ti deka tembu Hari Minggu tu, iya ngalahka semilan iku pemekit ke bukai ngerebut penuduk pemadu atas nya.
Iya menang mata duit RM300, trofi, jumpang eng- gau selampai, tikit diau bemalam dua hari semalam di Hotel Meritz sereta mega baucher pemakai berega RM20 di My Kafe.
Mary Karl menggi penuduk lumur dua ke alai iya nerima perais mata duit RM200, trofi, baucher buffet Hotel Meritz sereta baucher pemakai berega RM20 di My Kafe.
Penuduk ketiga dipenggi Mary Ling ti nerima RM100, trofi, baucher buffet Hotel Meritz sereta baucher pemakai berega RM20 di My Kafe.
Seraya tujuh pemenang perais sagu ati bela pulai ngemai mata duit RM30, trofi enggau baucher pemakai berega RM20 di My Kafe, sida tu iya nya: Paya Bilong, Sharon Bilong, Ngan Mie Ling, Ting Lea Ping, Lee Yoon Jia, Jasmine Chee enggau Lina Anak Muar.
Lee Yoon Jia menang gelar Most Popular ke alai iya nerima mata duit RM100, diau bemalam dua hari semalam di Hotel Meritz sereta baucher pemakai berega RM20 di My Kafe.
Diatur kedua kali di Miri nyadi sebagi ari lis pengerami See Hua Consumer Fair, batang tuju pekit Beautiful Mama 2 ngiga indai pemadu bajik. Iya diatur begulai See Hua Marketing Sdn Bhd pampang Miri lalu dipelanja Boulevard Hypermarket, Polo, Uson, Estivo, Hush Puppies, Broadway Wedding House, Meritz Hotel, Sports Toto enggau My Kafe.