Perintah nengeri patut magi agih belanja ungkup sitak dikuasa Pakatan Harapan
MIRI: Perintah nengeri patut berunding magi agih belanka dikena nge,ansang sitak ke dipegai Pakatan Harapan (PH) di Sarawak.
Kaban Kunsil Nengeri ( ADUN) Pujut Dr Ting Tiong Choon madah, tu bekau ari pekara dipansutka Menteri Dalam Menua Tan Sri Muhyidin Yassin ensanus ke ngasuh agih pemansang patut diberi ngagai sitak ke dikuasa penyakal.
Iya madah maya pegai Barisan Nasional (BN) sebedau tu, sida ( penyakal) enda diberi agih belanja ari perintah nengeri, tang maya PH megai perintah polisi nya udah diubah.
“Ambika chunto ba taun 2017, aku nemu genap ADUN BN nerima RM5 juta tang kami penyakal maya nya langsung nadai diberi se- barang agih.
“Laban PH deka meri agih belanja ngagai sitak dikuasa penyakal, nya aku minta Kepala Menteri Datuk Patinggi Abang Johari Tun Openg nitih [olisi ke sebaka ungkup semua sitak nadai ngira bida penemu politik,” ku iya madah ngagai Borneo pengudah ngabas Jalai Piasau ke bisi rusak.
Dr Ting ke mega kaban Parti Tindakan Demokratik (DAP) madah, agih belanja nya deka dikena ngatur pemansang ungkup rayat ditu.
Ngelansa pasal Jalai Piasau, Dr Ting madah Kaunsil Mengeri Besai Miri (MBM) patut nentuka pengawa ngaga jalai besai ba mengeri tu nitih standard ke udah ditetap.
“Aku enggai nyangka sen- gapa tang aku bisi nerima sebana ari penguna madah jalai digaha enda nitih standard ke udah ditetap.
“Aku enggai ningga sebarang kedalih lebih agi bekaul enggau belanja,” ku iya.
“Bisi sekeda jalai digaga kelalu mipis, ngeruang, enda rata, mit sereta tau ngeruga pengelikun penguna jalai alun,ku iya nerang nyemetak.
Dr Ting mega bisi mantah pengawa ngaga Jalai Piasau ke beungkus lebih RM800,000 lalu dibuka dua bulan ke udah diatu udah rusak.
Iya merambu ngasuh MBMM nyiri injinir dikena nentuka pengawa ngaga jalai nitih standard ke udah ditetap.