S’wak ngaga sempekat kerejasama telekomunikasyen enggau KT Corporation, Korea Selatan

KUCHING: Perintah Nengeri ngaga sempekat kerejasama enggau KT Corporation, iya nya sebuah pemekal servis telekomunikasyen ke pengabis besai di Korea Selatan.

Kerejasama nya digaga nengah Sempekat Pemereti Ati ( MoU) ke disain ulih kededua piak, lalu besaksika Sapit Kepala Menteri, Datuk Amar Awang Tengah Ali Hasan di Palan Konvensyen Borneo Kuching ( BCCK) ditu, kemari.

Pemesai ke ngarika Perintah Menua nyain MoU nya, Sekretari Perintah Menua, Tan Sri Datuk Amar Mohamad Morshidi Abdul Ghani enggau Menijer Besai Lem- baga Multimedia Sarawak, Dr. Zaidi Razak.

Lalu ngarika sepiak KT Corporation, diari ulih Mandal Presiden Ekskutif kompeni nya, Kim Hyung Joon enggau Mandal Presiden, Shin Sohee.

Batang pengawa ke berat ke nyadi kerejasama tu deka betatika pekara ngaga perengka guna kena lumba enggau main nyadi digital, kena ngangkatka lumba enggau main dalam pengawa dagang temuai lalu nusun penuduk Sarawak nyadi palan kuasa lumba enggau main di sitak menua tu.

Skop kerejasama mega ulih dikerembaika agi ngagai pemerat bukai baka komu- nikasi enggau multimedia, ngemutarka ICT, IoT sererta bemacham pekara bukai ke betatika pampang Bandar Pintar sereta pengawa dagang temuai kena meransang pungkal pengawa ekonomi digital menua.

Kelimpah ari nyadi pembekal servis telekomunikasi ke pengabis besai di Korea Selatan, KT Corporation mega nyadi siku ari pemain teknologi global ke nyendiaka chara nmgemutarka teknologi inovatif.

Ukai semina nya aja, kompeni tu nyadi pemungkal ke servis 5G jemah ila, sereta keruai dalam revolusi pengawa industri ke-4 enggau kaul inovatif sida iya.