Tu ngambika iya mengkang dipeda sereta nyadika pesaka kelimpah dikena matak penatai temuai
SIBU: Perintah nengeri Sarawak udah meri gazet ngagai mayuh begunan lama serata nengeri ngambika mengkang dipeda sereta nyadika pengingat enggau pesaka.
Menteri Dagang Temuai, Art, Main Asal, Raban Nembiak, Lumba enggau Main Datuk Abdul Karim Rahman Hamzah madah, tu bela dikena nyadika sebagi ari chara dikena matak temuai datai.
“Ketegal nya, ba aku kitai meseti bisi atur ti terit ba tuju ngetanka begunan lama baka tu laban bisi sekeda udah direrak tauka diubah nyadi begunan bukai ketegal ba dia digagaka pemansang nyengkaum alai ngaga begunan ke baru,” pia ku iya madah ngagai pengarang berita.
Dulu agi ari tu iya dipinta madahka bisi ke enda perintah nengeri ngatur chara ng- etanka pengelikun begunan ke digaga orang kelia baka maya jeman menua bukai megai nengeri tu dikena nyadika produk dagang temuai nunda Singapore.
Iya madah, atur terit nya beguna ngambika begunan ti bisi sejarah tu enda
Kitai meseti nerita atur ti patut dikena ngetanka sejarah. Datuk Abdul Karim Rahman Hamzah Menteri Dagang Temuai, Art, Main Asal, Raban Nembiak, Lumba enggau Main
direrak ketegal alai ngagai pemansang baru.
“Kitai meseti nerita atur ti patut dikena ngetanka sejarah,” ku iya madah baru.
Ba pekara ti bekaul, siku ijin dagang temuai ditu, Robert Tan madahka ba menua mansang bukai sida ngetanka begunan lama laban nya nyadika sejarah sereta meseti diintu manah.
“Sida bisi ngubah mimit tang sida ngemeratka sejarah begunan nya.
“Pia mega, orang ke beempu begunan lama enda dikemendarka sepeneka ngubah lalu nama- nama pengawa ke deka digaga meseti bisi pemendar dulu ari piak bekuasa menua.
“Ambika banding baka menua Australia, sida bebendar ngetanka sejarah begunan sereta nagang pengawa ti deka ngubah.
“Di Malaysia, kitai meseti nunda sida tang sayau amat pekara tu bisi bebida. Tu enda manahka dagang temuai kitai,” ku Tan nerang.
Ba Sibu ku iya, bisi beberapa begunan lama ti nyadika sejarah baka Muzium Memorial Hospital Lau King Howe ti meseti dijaga ngambika nyadi siti ari produk dagang temuai sitak tu.