Alice deka ngelawa Muhyiddin ngenatai isu peranak menua
MIRI: Ketuai Parti Keadilan Rakyat (PKR) Baram Roland Engan (gambar) ngelaluka raban penyakal lebih agi Barisan Nasional (BN) Sarawak bekerejasama enggau perintah Pakatan Harapan (PH) ti diiring Menteri Besai (PM) Tun Dr. Mahathir Mohamad.
Dalam penerang ditu kemari, Roland, apin lama ke udah bediri minta pilih nyadi chalun PKR ungkup penuduk sitak parlimen Baram taja pia nanyaka pengeran enggau komitmen BN Sarawak deka bekerejasama enggau perintah PH di renggat perintah besai.
“Ambika chunto, PM baru kitai mantaika bukti ti deka ngasuh pansik penyalah makai suap, ngelanggar atur enggau salah guna kuasa ti chakah dipejalai di Sarawak.
“Sekalika parti politik Sarawak ( parti komponen BN) deka serius enggau komited meri bekerejasama mantai semua penerang, do- kumen enggau saksi bekaul dikena mantu sebarang pansik ti deka dipejalai?” ku iya nanya.
Nya alai iya ngarapka perintah Sarawak mantaika pengeran enggau komitmen diri bekerejasama ari ngelis semua pekara pulaika pemaik menua enggau rayat iya empu. SIBU: Isu anak mit ke nadai status peranak menua deka dikenataika ngagai Menteri Dalam Menua, Tan Sri Muhyiddin Yassin pengudah pengawa angkat sumpah raban menteri kena Hari Satu tu.
Kaban Parlimen Lanang, Alice Lau madah iya empu deka betemu enggau menteri ke megai tanggungpengawa ngambi lengkas mutar pekara nya.
“Nengah saut Menteri Dalam Menua ba Parlimen kena 2016, banchi perintah madahka urung 290,000 anak mit ke beumur baruh 18 taun nadai ngembuan status peranak menua.
“Tu isu berat patut diputar lengkas laban enda nadai status peranak menua, anak mit nya enda ulih ngerejista diri ba sekula perintah enggau bulih servis pengerai,” ku iya.
Maya dirandau ba aum pemberita kemari, Alice madah iya nerima kes sida ti abis pelajar ba Pom 5 enggau 6 bulih pemutus ke manah tang enda ulih nampung pelajar ba palan pelajar tinggi laban ketegal status nya.
“Perintah nengeri num- buhka komiti khas mutar penanggul tu tang pengawa patut dipejalaika enggau manah agi dikena mutarka isu anak mit ke nadai status tu,” ku iya.
Alice ngarap perintah besai ulih bekerejasama enggau perintah nengeri iya nya ngiarka bida idealogi politik lalu ngemeratka rayat mutarka isu anak mit ke nadai staus peranak menua.
“Tebaka agi kes diterima ketegal apai indai anak mit nya nadai surat kawin. Tambah mega bisi penanggul ketegal dokumen ke enda chukup maya ngaduka proses anak iru.
“Nya alai, aku empu betemu enggau Muhyiddin Yassin berunding chara mutar enggau lengkas. Aku ngarap rayat ulih meri awak ngagai perintah baru gawa ke rayat,” ku iya.
Sama bisi datai Kaban Parlimen Sibu, Oscar Ling enggau Kaban Kunsil Nengeri (ADUN) Bukit Assek, Irene Chang. MARUDI: Pemar ditapi nengeri Sarawak laban dipegai parti menua tu lalu diatu nyadi penyakal pengudah Barisan Nasional (BN) alah besai, diatu Perintah Pakatan Harapan (PH) megai Putra Jaya.
Apin lama ke udah, bisi 13 iku menteri udah dibantaika Tun M lalu kesemua sida ngarika Malaysia Barat. Pekara tu nyadi siti ari pemar besai ditapi peranak Sarawak, pangka iya ngagai BN ke alai pengari ari PBB,SUPP,PDP enggau PRS ti nyadi perintah lalu penyakal di Sarawak.
Nitih ku Ketuai Penerang Exco PDP, Jaya Ramba, nyenggala amat rayat kitai chukup sinu lebuh nadai siku dipadu nyadi menteri ba renggat perintah besai betuaika Tun M. Rayat bingung laban sebedau tu nyangka bisi ubah ke manah agi ari ke dulu. Tang pekara dipeda kitai ke alai nyata amat nengeri kitai deka dikelaung.
Ku Jaya nambah, tu perais diberi Perintah Besai ngagai Sarawak. Iya pechayaka peranak Sarawak nyukung parti Malaysia Barat enda diberi peluang. Kedua iya, kitai nemu amat parti politik Malaysia Barat.
Jaya Ramba nandu PBB,PDP,PRS enggau SUPP enda nyangkung ( proksi) UMNO tang deka negika hak rayat. Nya alai, peda diatu lalu ni menteri ari Sarawak. Sebedau tu, kitai bisi mayuh pengari tang diatu dikelaungka Perintah Besai.
Pia mega ku Jaya, enti bisi nyadi menteri baka sapit menteri tang berapa penyampau tubuh? Rayat patut berunding diatu sapa ti deka dipadu?
Nyadi ari rebak bansa Iban, kitai balat ngasai lebuh nadai siku dipadu nyadi menteri ari komuniti Iban. Kitai udah dijaga bansa bukai lalu dikelaungka sida. Kitai ditipu bansa diri empu lalu rayat kitai deka tinggal di belakang.
“Kitai patut berati sereta meda dini kitai? Sapa ti amat ulih mantu kitai tang tentu mega parti politik menua tu enggau pengari menua tu,” ku Jaya ngelalau.