Perintah PH dikearap ulih nampung pelin pemansang kelebih agi ba sitak Baram ti begunaka mayuh jalai ungkup pengelantang rayat
MIRI: Menteri Muda Kaunsil Kandang Menua Datu Dr Penguang Manggil ngelalu kerejasama ari perintah besai baru ti betuaika Pakatan Harapan (PH) kelebih agi Opis Menteri Pemansang Menua Pesisir (KPLB) enti sema bisi ati deka nampung pelin pemansang di kandang menua pesisir, kelebih agi di Baram.
Penguang, ke mega Kaban Kunsil Nengeri ( ADUN) Marudi lebuh dipinta nimbal senentang rintai kabinet baru kemari nyemetak madahka bisi pematut dipejalaika perintah besai dikena nentuka pengelantang rayat, ti deka diperati.
“Baram begunaka mayuh jalai ti meruan agi sereta mega pemansang arus internet
Baram begunaka mayuh jalai ti meruan agi sereta mega pemansang arus internet sereta bekal ai beresi enggau kuasa karan. Datu Dr Penguang Manggil Menteri Muda Kaunsil Kandang Menua
sereta bekal ai beresi enggau kuasa karan,” ku iya.
Lebuhka ditanya pasal sekeda projek nyengkaum jematan Marudi ti udah dikemendar sebedau Pengawa Bepilih Besai Ke-14 (PRU14), ku Penguang, jematan enggau jalai Marudi – Long Terawan iya nya dipelanja perintah nengeri.
“Taja pia, projek tebing sungai enggau dindin penekat di Sungai Baram dipelanja Perintah Besai ti udah dikemendarka perintah dulu suba.
“Pulaika pemaik rayat, aku endang ngarapka perintah besai deka bebasaka komitmen perintah ke dulu suba laban projek tu ukai dipun ari politik tang lebih agi diguna dikena nambahka pemanah rampa ekonomi enggau rama di Marudi sereta kandang menua ulu iya,” ku Penguang.