Sida meseti ngelangkar tetiap perengka ti deka dibeli, ngambika enda ngujungka pengerua ti ulih ngerugika semua
SRI AMAN: Komuniti Dayak dilalau ngintu pengerami Gawai Dayak kena 1 Jun tu ila ngambika ngatur tauka ngelangkar belanja enggau manah dikena nyeliahka pengerua.
Ku Menteri Muda Pengelantang Komuniti Datuk Francis Harden Hollis madah, nyema belanja enda dilangkar enggau manah, tu ulih ngujungka pengerua sereta ulih ngerugika sida.
“Dikena nyeliahka isu rua dalam belanja, kitai patut ngaga langkar tumu lalu semina meli perengka ke diguna aja,” ku iya ba Pengerami Mantar Gawai Dayak 2018 ti diatur Komiti Pemansang enggau Pengelikun Genturung Pendiau (JKKK) Rumah Charlie Ata, Kampung Pruan, Sri Aman sereta Parti Rayat Bersatu Sarawak (SUPP) Lingga ditu, kemari.
Iya ke mega Kaban Kunsil Nengeri (ADUN) Simang-
Dikena nyeliahka isu rua dalam belanja, kitai patut ngaga langkar tumu lalu semina meli perengka ke diguna aja. Datuk Francis Harden Hollis Menteri Muda Pengelantang Komuniti
gang nya madah, Gawai Dayak iya nya siti pengerami ti ulih nyadi pelasar ngenegutka kaul entara pangan diri.
“Tetiap maya pengerami nya datai semua diri sebilik ti diau ba menua ke jauh pulai ngagai menua dikena ngintu pengerami nya.
“Lebuh ti begempuru baka tu, kitai mega ulih ngenegutka kaul enggau diri sebilik,” ku iya.
Harden mega ngelalau ngambika main asala komuniti Iban baka ngajat, betaboh, bejawang, bedungai sereta miring agi meruan dipejalai.
Sama bisi datai ba pengera- mi nya Chairman SUPP Lingga Temenggong Kuek Aik Seng, Penghulu Tiong Ching Onn, Pemancha Micheal John Sanggop, Kunsilor Water Killer, Kunsilor Lansing sereta kebukai.
Ba pengerami nya, Harden mega bisi nyuaka geran sepenyampau RM32,000 ngagai enam JKKK sereta siti gerempung indu.
Sida ke nerima geran iya nya JKKK Rumah Iban Chupong, Pruan Sri Aman (RM2,000), JKKK Rh Charlie Pruan, JKKK Rh Robert Peruan enggau JKKK Rh Ayai Putat lalu sida nerima RM5,000, JKKK Taman Gamang, Sri Aman ( RM6,000), JKKK Tawang Tengah (RM5,000) sereta Gerempung Indu Rh Nyuin, Tawang Tengah, Tanjung Bijat (RM3,000).
Harden mega sama bisi nyuaka bantu cheremin mata iya nya bisi 238 iti ngagai peranak rumah panjai nyake dipelanja Gerempung Indu SUPP Simanggang.