Empat ratus kaban PRS sitak Tamin pansut ari parti nya ‘ Tsunami’ politik benung nyadi di Sarawak bepelasarka PRU14 miak PH
MIRI: Pemayuh kaban Parti Rakyat Sarawak (PRS) ke pansut ari parti nya bedau lama tu tadi, terang mandangka pengangkat ‘ tsunami’ politik di Sarawak.
Pemerati Politik Menua tu, Datuk Wan Zain Syed Mohdzar madah, pekara tu dipandangka enggau pemutus Pengawa Bepilih Besai ke-14 ( PRU14) ke miak ngagai Pakatan Harapan (PH).
“Ditu terang endar madah iya nya chalun pilih parti enda ngipak ba barang pengawa bepilih dibanding enggau chalun kedeka ulih pengundi empu,” ku iya madah lebuh nimbal pasal lebih 400 iku kaban parti PRS sitak Tamin madahka pansut ari parti nya, kemari.
Ku iya, komponen Parti Barisan Nasional (BN) menua patut ngaga tanda nya chunto tauka kelaie napi Pengawa Bepilih Nengeri ke- 12 ( PRN12) manggai
Ditu terang endar madah iya nya chalun pilih parti enda ngipak ba barang pengawa bepilih dibanding enggau chalun kedeka ulih pengundi empu. Datuk Wan Zain Syed Mohdzar Pemerati Politik Menua
taun 2021 tu ila.
“Bisi sekeda sitak pengundi terang endar ngenggaika chalun pilih parti ngujungka parti komponen BN alah ba penuduk sida iya,” ku iya.
Pekara nya ukai semina nyadi ba PRS aja, tang parti komponen BN ke bukai napi pemutus ke sebaka, ke beratika sukung ba parti nya bisi udah nurun .
“Iya nyerumba baka tanda ke patut dikemeratka komponen BN ngambika sida iya mendingka pemerat pengundi di renggat pun menua,” ku iya.
Iya nandu baru madahka, pengundi enda malik ngagai lambang parti tang ka agi milih chalun ke semak agi enggau sida iya.
“Pupu angin tetap deka nyadi, enti komponen parti BN agi ngena strategi ke udah lama, pemutus nyerumba PRU14 deka nyadi baru maya PRN 2021 tu ila,” ku iya.
Maya PRU4 tu tadi, Sarawak semina mujur teulihka 19 penuduk ari 31 penuduk lalu tu mandangka sukung emnsia mayuh nagagai BN majak kurang.
Lalu ukai semina nya aja, PRS pan enda mujur nmgetanka penuduk Parlimen Selangau, Lubuk Antu enggau Julau keberatika kaban parti nya madahka diri pansut ari PRS.