Vanta enggau Fiona nyadi champion Pekit Karaoke Hari Gawai Dayak 2018 di Rumah Panjai Ben, Telok Gelam
BALINGIAN: Gawai Dayak nyadika menalan ngetanka ulah bebasa ke bala temuai enda ngira bansa, pengarap enggau jalai politik.
Kaunsilor Raymond Joseph Tanin madah, maya hari besai baka tu bala temuai endang dikelaluka ngabang enda ngira dini-dini rumah panjai.
“Endang udah adat kitai ke beempu rumah semampai ngelaluka bala temuai enda ngira sida sapa ngabang Gawai Dayak.
“Gawai Dayak diintu kitai enggau rami begulai enggau pangan diri enda ngira nama politik,” pia ku iya madah ngarika Kaban Kunsil Nengeri (ADUN) Balingian Abdul Yakub Arbi maya ngabang Gawai Dayak ngagai beberapa buah rumah panjai di Balingian, empai lama.
Iya enggau bala temuai bukai maya tu bisi ngabang ngagai Rumah Bonny, Rumah Langi, Rumah Latip, Rumah Sandin enggau Rumah Janin ba Bayan Tasek enggau Sungai Stuan Besai semak Balingian.
Raymond ke mega Sekretari Parti Pesaka Bumiputera Bersatu (PBB) Balingian maya tu nyindir sekeda penemu politik ti bisi dikembuan Tuai Rumah alai enggai ngelaluka penatai temuai ti enda sama politik enggau sida.
“Taja pia kitai ba DUN Balingian tu nadai ulah baka nya pungka semua bansa Iban ngelaluka kitai ngabang magang enggau chukup pengerami.
“Ngarapka ulah baka tu semampai dipeda kitai belama nyentuk ke ila tang anang nyengulai hari besai enggau pekara politik,” ku iya madah baru.
Awak nya mega dikena iya mai bala rumah panjai ngambika enda kelalu beirupka ai bisa kelimpah ngemeratka pemakai ti manah maya Gawai Dayak.
“Pengerai kitai nyadika pekara lumur satu ba pengidup.
“Anang kitai udah Gawai bisi nya sakit tauka diperubat ba sepital,” pia ku iya ngelalau. SIBU: Vanta enggau Fiona dipilih nyadi champian Pekit Karaoke beserimbai enggau Hari Gawai Dayak 2018 ti bisi di atur di Rumah Panjai Ben, Telok Gelam, hari Enam tu tadi.
Vanta ke nyadi champian kategori lelaki lalu Fiona ba kategori orang indu, bela mai pulai perais wang RM100 seiku.
Pekit karaoke nya diatur ulih Komiti Pemansang sereta Pengelikun Kampung ( JKKK) Rumah Ben lalu bela dispunsa ulih seiku orang ari menua nya empu di Telok Gelam, Micheal Berayun.
Ba penuduk kedua kategori lelaki dimenang ulih Limbau Dana ke mai pulai perais wang RM50, lalu ba penuduk ketiga dimenang ulih Earl Anek ke mai pulai perais wang RM30.
Ba bagi pekit karaoke kategori irang indu, ba penuduk kedua dimenang ulih Roseline Junai ke mai pulai perais wang RM50.
Ba penuduk ketiga dimenang ulih Noreen Jelawai ke mai pulai perais wang RM30.
Lalu ba perais saguhati, ba
Taja pia kitai ba DUN Balingian tu nadai ulah baka nya pungka semua bansa Iban ngelaluka kitai ngabang magang enggau chukup pengerami. Ngarapka ulah baka tu semampai dipeda kitai belama nyentuk ke ila tang anang nyengulai hari besai enggau pekara politik. Kaunsilor Raymond Joseph Tanin Ngarika ADUN Balingian Abdul Yakub Arbi
penuduk keempat enggau kelima nerima perais wang, ke bela nerima wang RM10 seiku.
Tuju ngatur pekit karaoke nya ngambika ulih ngiga bakat baru dalam pengawa pemerindang.
Kelimpah ari nya, tuju pekit nya mega kena ngeramika pengerami Hari Gawai Dayak ke taun tu.