Berengkah ari 1 Jun taun tu, GST udah diketuka lalu ejensi penerit adat deka nentuka nadai pedagang ti beambi ulih
BINTULU: Opis Menteri Dagang Dalam Menua, Koperasi enggau Orang Bebelika Barang (KPDNKK) Bintulu udah ngeluarka 11 notis tangkan ngagai pedagang di Bintulu bekaul enggau komplen kadar nadai chukai Barang enggau Servis (GST).
Ketuai iya, Salihin Den madahka bala pedagang diberi tiga hari ngambika ngasika kadar sifar GST.
“Naka 4 Jun, bala pemesai penerit adat kitai udah meresa lebih 50 premis dagang ngaul 1,100 barang di baruh Ops Catut 4.0,” ku iya lebuhka dirandau kemari berindik ari bemacham complaints dibantai ba laman Facebook (FB) rasmi sida kenyau ari 1 Jun.
Ku Salihin tebal agi ripot ti diterima nengah laman FB rasmi sida lalu naka diatu, bala pemesai penerit adat sida udah meresa rega barang di palan bebelika barang, kedai
Naka 4 Jun, bala pemesai penerit adat kitai udah meresa lebih 50 premis dagang ngaul 1,100 barang di baruh Ops Catut 4.0. Salihin Den Ketuai KPDNKK Bintulu
bejual sayur, palan bejual pemakai, kedai nyual kereban betukang, farmasi enggau kedai bukai.
“Berindik ari ripot, kami udah nganjung tim penerit adat kami ngagai premis ti disebut lalu bejalaika pengawa meresa,” ku iya seraya nambah, premis tu ditemu agi nyual barang ngaum enam peratus GST.
Ku iya, pemuntan ngasika atur nya tau tinggang ukum dibaruh Section 14(1) of the Price Control enggau AntiProfiteering Act 2011 ketegal sengaja beambi untung.
Sida ti ngatika diri puntan nitih tauka ngaul diri ngiga untung tau kena tinggang ukum abis mayuh RM100,000 ba tetiap penyalah, jil abis pengelama tiga taun tauka kededua ukum nya, sereta abis mayuh ukum RM250,000 ba tetiap penyalah, jil abis lama lima taun tauka tetiap penyalah kedua tauka penyalah udah nya.
Ngagai kaban gempung tauka kompeni ti ngereja penyalah deka ditinggang ukum abis mayuh RM500,000 tetiap penyalah enggau abis mayuh mayuh RM1 juta ba tetiap penyalah kedua tauka penyalah udah nya.
Ngelansa pasal nganjung sebana tauka ripot FB, ku Salihin, iya ngansak bala pelanggan meri penerang silik baka nama premis, bansa barang, resit dikena bejalaika pansik.