Raban pedagang dilalau patut nitih Skim Nyaga Rega Musim Pengerami

SARIKEI: Pedagang menua tu udah ditangkan ngambika nyual barang pemakai nitih rega ti dikemendar baka ti udah dipadah dalam Skim Nyaga Rega Musim Pengerami.

Beserimbaienggaupengerami Hari Raya Aidilfitri ti deka datai, bisi 17 bansa barang datai ari bemacham kategori manuk, dagin, telu, chabi, tomato, kubis, inyak, bawang mirah, bawang besai, bawang burak, kentang, enggau ikan udah dilis nyadi barang dijaga rega di baruh skim ti ditimpuh deka berengkah dipejalai ari 8 nyentuk 22 Jun.

Nitih ku penerang dikeluarka Opis Menteri Dagang Dalam Menua, Koperasi enggau Orang Bebelika Barang ( KPDNKK) Bagi Menua Sarikei, rega nyual ungkup manuk idup udah ditetap RM7.80 sekilogram; manuk standard (RM9.00/kg); manuk super (RM9.50/kg); dagin diimport ( RM27.00/ kg); telu gred A/B/C (39/38/37 sen sigi); chabi mirah (RM15.00/kg); tomato (RM7.00/kg); inyak (RM5.00/kg); kubis segala diimport (RM4.00/kg); bawang burak (RM8.00/kg); bawang mirah (RM6.00/kg); bawang mirah import (RM4.50/kg); kentang import (RM4.00/ kg); mackerel (RM11.00/kg); enggau Scad tauka Ikan Selayang (RM9.00/kg).

Nengah penerang nya, Opis KPDNKK menua tu meri jaku tangkan ke alai atur terit Akta Kawalan Harga enggau Anti Pencatutan 2011 deka dipejalai ngagai sida ti ngelanggar atur.

Baka ti udah disedia di baruh Akta, pedagang ti bepenanggul tau dikompaun bepelasarka kiraan keterubah, ukum enggau jil ba penyalah kedua enggau udah nya, pia ku penerang nya, seraya nambah, bala pemesai penerit adat mega deka ngerampas barang dijual sida.