Polisi nya ngujungka Bernas di Sarawak teulihka untung lebih RM100 juta ninting taun, ku Chong Chieng Jen

KUCHING: Polisi monopoli ke diberi perintah ke dulu, iya nya Barisan Nasional(BN) ngagai PadiBeras Nasional Berhad (Bernas) ba pengawa impot berau patut diketu.

Chairman Pakatan Harapan (PH) Sarawak Chong Chieng Jen madah chara nya ulih nentuka rega berau ke dijual di serata menua enda agi mar.

Ku iya, polisi nya mega ngujungka Bernas di Sarawak teulihka untung lebih RM100 juta ninting taun ke alai rayat meli berau ba rega ke mar.

“Permit import berau ke diberi ngagai Bernas patut diperundingka baru ngambika rega berau di menua tu enda kelalu mar.

“Permit patut dibuka ngagai semua orang dagang lalu ukai semina ungkup Bernas aja.

“Pekara tu deka nentuka rayat ulih meli berau nengah rega ti mudah, iya nya urung 30 nyentuk ngagai 40 peraus mudah ari rega ke dulu,” ku Chong.

Iya mansutka jaku nya ba aum pengarang berita di Indu Opis DAP ditu kemari.

Berindik enggau nya Chong ke mega Chairman DAP Sarawak madah deka mai pekara tu ngagai perintah baru, PH kelebih agi ngagai Opis Menteri Betanam Betupi.

“Kitai minta perintah baru PH ngetuka polisi monopoli ke diberi ngagai Bernas enggau naka pengelengkas ketegal pekara tu balat ngenusahka rayat,” ku iya nandu.

Beambi chunto berau putih ari Thailand ke diimport, Chong madah Bernas ngeluarka puku RM2,050 ungkup semetrik tan tang nyual

Permit import berau ke diberi ngagai Bernas patut diperundingka baru ngambika rega berau di menua tu enda kelalu mar.Pekara tu deka nentuka rayat ulih meli berau nengah rega ti mudah, iya nya urung 30 nyentuk ngagai 40 peratus mudah ari rega ke dulu. Chong Chieng Jen Chairman PH Sarawak

ngagai orang dagang ba rega RM2,850 semetrik tan.

Diak ku Chong Bernas teulihka untung RM800 semetrik tan tauka 39 peratus.

“Pia mega ba berau ‘Vietnam Fragrant’ ke alai Bernas ngeluarka puku RM2,400 ungkup semterik tan tang nyual ba rega RM3,400 semetrik tan.

“Ari nya, Bernas untung RM1,000 semetrik tan tauka 42 peratus,” ku Chong.

Bela datai ba aum pengarang berita kemari Chairman AMANAH Sarawak Fidzuan Zaidi enggau MP Bandar Kuching Dr. Kelvin Yii.

KENA GERAN NITIHKA PEMINTA KITA BA GERAN NYA: Dr Sim (duduk empat kanan) begambar enggau bala gerempung enggau NGO ke udah nerima geran sida iya di Indu Opis SUPP, ditu, kemari.

BUKA NGAGAI SEMUA: Chong (tengah) ba aum pengarang berita di Kuching kemari. Bela dipeda Fidzuan (kiba) enggau Kelvin.