Enda ngira bansa enggau jalai pengarap, pengerami hari besai tetap diintu enggau lantang sereta beserakup
SRI AMAN: Pengawa ngintu pengerami Hari Gawai ukai semia diintu raban bansa Dayak tauka Iban aja, tang sama mega dikunsi raban bansa bukai baka Melayu enggau China.
Menteri Muda Pengelantang Komuniti Sarawak Datuk Francis Harden Hollis madah, kenyau ari taun 1965, tu taun ke-53 pengerami Hari Gawai diintu raban bansa Dayak.
Ku iya, tu mih penyelai ti bisi ba menua Malaysia, semua bansa ulih begulai ngintu tetiap pengerami pupu bansa sereta jalai pengarap.
“Kitai pechaya, nengah pemanah kaul bansa tu deka mandangka ngagai semua iya nya menua kitai tu ulih beser-
Kitai pechaya, nengah pemanah kaul bansa tu deka mandangka ngagai semua iya nya menua kitai tu ulih beserakup sereta begulai enggau pangan diri. Datuk Francis Harden Hollis Menteri Muda Pengelantang Komuniti Sarawak
akup sereta begulai enggau pangan diri,” ku iya.
Iya ke mega Kaban Kunsil Nengeri (ADUN) Simanggang madah munyi nya lebuh dikerandau maya ngabang Hari Gawai ba rumah siku ari kaban Kaunsil Pelilih Sri Aman ( MDSA) Kunsilor Denniel Saweng ba Rumah Nyameng, Klassen Simpang, Sri Aman bedau lama ke udah.
Ku iya nambah, rayat nengeri tu sepatut nya beterima kasih enggau pengelantang ke diasai lalu patut ngetanka penyerakup nya.
Sama bisi enggau iya ngabang, bini iya Datin SImba Nalang, Ketuai Indu Parti SUPP Pampang Simang- gang Ling Siew Hung, Sapit Chairman MDSA Kunsilor Andar Suntai, Kunsilor Water Killer James Junit, kaban MDSA ke bukai sereta bala tuai rumah ba DUN Simanggang.
Lebuh pengawa ngabang nya, Harden enggau ke bukai mega bisi ngabang ngagai siku ari kaban SUPP Simanggang, Belilie Ajah.