Hari Gawai Dayak nyadi pelasar ngenegutka kaul enggau pangan diri
KAPIT: Kaban Kunsil Nengeri ( ADUN) Bukit Goram, Jefferson Jamit Unyat madahka tetiap musim pengerami patut diintu semua raban bansa ti datai ari pupu bansa ngemeranka pengawa bebasaka adat dikemeran pangan diri.
Beserimbai enggau tu, Jamit enggau sida sebilik bisi ngabang Gawai Dayak ngagai sida Penghulu Pasang Tubak sebilik di KM3, Jalai Selirik ditu.
Iya beratika di Kapit pengelain adat, budaya enggau pengawa dikemeran sigi dipegulai ke alai lebuh Gawai diintu, kedai di Kapit mega tutup pengelama dua hari berunggu meri awak bala pekereja kemisi ngambika ulih mulaika diri ke menua, begulai enggau sida sebilik berami.
Ku iya, tu pengawa ti dikemeran di Kapit laban komuniti bebida mega semak enggau pangan diri. Kitai endang nyata ngayanka semen- gat peranak Sarawak dalam serakup enggau solidariti.
Ku iya, Gawai dirintai enggau mayuh program enggau aktiviti ti narit ati, nyaup ngetanka budaya enggau kelala bansa Dayak baka pekit Kumang Gawai.
“Bansa Dayak meseti nampung pengawa ngetanka adat sida lalu pengerami Gawai meseti seruran diintu ninting taun,” ku Jamit seraya nambah, gempuru Gawai mega nyediaka pelajar ngagai bansa Dayak ari serap jalai pengiduo di mengeri enggau menua semak mengeri begempung ngerami Gawai di rumah panjai sida. Suah agi Gawai tu diintu sepanjai bulan Jun.
Jamit nyemetak madah tetiap kali gempuru mantar Gawai di Kapit, endur nya seruran enda chukup ungkup semua. Tu ngayanka kitai bisi semangat deka begulai ngetanka budaya taja penatai asal lain ba pegai politik enggau budaya dikemeran lalu kitai nemu ni maya patut begempung.