Nembiak PBB nerima perambu nya tang atur iya patut bepun ari genap parti komponen nya empu
KUCHING: Perambu deka numbuh siti parti ungkup pupu bansa di Sarawak patut bepun ari ‘kaki’ ke manah, ku Sapit Ketuai Nembiak Parti Pesaka Bumiputera Bersatu (PBB) Fazzrudin Abdul Rahman.
Iya madah Nembiak PBB nerima perambu tu meri fokus ke pemaik nengeri enggau pemaik raban bansa tang, atur deka nempa siti parti ungkup pupu bansa di Sarawak patut bepun ari genap parti komponen nya empu.
“Ba PBB, kitai ngembuan kaki ke chukup tegap iya nya kitai endang tebuka deka nerima sebarang sapa aja masuk ngagai PBB. Kitai mega ngembuan ‘kaki’ enggau adat mutar penanggul ke chukup manah ba raban PBB nyema bisi sebarang penyarut tauka isu.
“Nyadi, nya mih pemungkal ke patut diperati dulu dalam sesebengkah parti komponen... kitai ngarapka parti-parti komponen ngenegap dulu parti enggau pekara tu ngambi kitai ulih nyingkang ke mua,” ku iya rambau dirandau pemberita nyerumba Pengerami Ngelalu Pengabang Aidifitri ba rumah iya ditu, kemari.
Fazzrudin ke mega Kaban
Ba PBB, kitai ngembuan kaki ke chukup tegap iya nya kitai endang tebuka deka nerima sebarang sapa aja masuk ngagai PBB. Kitai mega ngembuan kaki enggau adat mutar penanggul ke chukup manah ba raban PBB nyema bisi sebarang penyarut tauka isu. Fazzrudin Abdul Rahman Sapit Ketuai Nembiak PBB
Kunsil Nengeri ( ADUN) Tupong madah munyi nya lebuh dipinta nimbal pasal perambu Presiden Parti Rakyat Sarawak (PRS) Tan Sri James Jemut Masing bekaul pematut numbuhka siti parti pupu bansa di Sarawak.
Ba aum pemberita pengudah betuaika aum Supreme Kaunsil PRS ensana, Masing mega minta Gabungan Parti Sarawak ( GPS) enda tau dikuasa sebengkah parti aja.
PRS, siti ari empat empat ex-parti komponen Barisan Nasional ( BN), kelimpah PBB, Parti Sa’ati Rayat Sarawak ( SUPP) enggau Parti Demokratik Progresif (PDP) ke udah ningkil diri ari BN ke dipasuk sida kenyau 1973 lalu numbuhka GPS. — Bernama