Harden agi ngabang ba hari keempat Raya Aidilfitri
SRI AMAN: Taja udah datai ba hari keempat ngintu Hari Raya Aidilfitri,pengawa ngabang ngagai Pengerami Nerima Pengabang beserimbai enggau hari besai tu agi diatur ditu,ensanus.
Menteri Muda Pengelantang Komuniti Sarawak, Datuk Francis Harden Hollis agi nampung pejalai ngabang iya ti bisi diatur nyerumba pengerami tu semak ditu,pagi ensanus.
Antara pengerami nerima pengabang bala ketuai komuniti ti udah digusung iya nyengkuam Pengerami Nerima Pengabang Komiti Pemansang enggau Pengelikun Genturung Pendiau (JKKK), Taman Rancangan Perumahan Rakyat (RPR) Melayu Fasa II, Sri Aman, Ketuai Kampung Abang Mohamad Abang Taha.
Harden ke mega Kaban Kunsil Nengeri ( ADUN) Simanggang lebuhka dikerandau madah program ngabang Hari Raya tu nyadi siti ari program ngabang seraya gawa betemu eng- gau bala komuniti di baruh pegai iya.
Bela nyempulang iya nga- bang, bini iya, Datin Simba Nallang sereta bala ketuai raban bansa ke bukai.
Sida (gempung baru) enda bechuntoka prinsip politik manah ti ditunjukka nengeri bukai kelebih agi Kelantan ke udah diperintah penyakal pengelama bepuluh–puluh taun. Dr Saudi Narani Penganalisis Politik
Penganalisis Politik, Dr Saudi Narani madahka empat parti iya nya Parti Pesaka Bumiputera Bersatu (PBB), Parti Rakyat Sarawak (PRS), Parti Rakyat Bersatu Sarawak ( SUPP) enggau Parti Demokratik Progresif (PDP) ke pansut ari Barisan Nasional (BN) lalu numbuhka gempung baru nya semina chara dikena nyelamat diri sereta ngambika terus nyadi perintah.
Iya madahka sida (gempung baru) enda kala ngasaika baka ni gaya duduk ba sepiak penyakal.
“Sida ( gempung baru) enda bechuntoka prinsip politik manah ti ditunjukka nengeri bukai kelebih agi Kelantan ke udah diperintah penyakal pengelama bepuluh–puluh taun.
“Sida engka enda tentu ulih dalam penyakal tang patut nguji laban nyadi penyakal mega ulih mantu menua. Enti dikena enggau manah, sida ulih meri bantu ti lebih nyema sida nyadi penyakal,” ku iya lebuh ke ngenang pasal gempung parti ti bepalan ba nengeri tu, GPS.
Pekara nya diputuska berindik ari ti udah selubang penemu enggau tiga agi presiden parti iya nya Sapit Kepala Menteri ti mega presiden PRS Tan Sri Datuk Amar James Jemut Masing, Datuk Prof Dr Sim Kui Hian (SUPP) enggau Datuk Sri Tiong King Sing (PDP).
Berebak enggau tu Saudi lebuh ke ngenang pasal empat parti nya ke pansut ari BN, iya bepenemu, pemansut tauka pemutus nya baka reti ti enda bebasaka peneka tauka pilih pengundi ba Pengawa Bepilih Besai Ke-14, apin lama.
Nya engka meri empas ti makai diri empu lebih agi enti penyukung Pakatan Harapan (PH) tetap deka nulak sida (gempung baru), ku iya.
Lalu empas nya ku iya, engka ulih dipeda ba asil pengawa bepilih nengeri ke deka datai ti dipelabaka diatur ba taun 2021.
“Enti pekara tauka gaya agi baka tu tauka ‘cateris paribus’, pengawa bepilih nengeri ke deka datai dipelabaka deka nyadi siti agi tsunami ba sida.
“Nadai mai sebarang bida sekalika sida nukar nama tauka terus dalam BN laban nya semina baka nyimpan wain lama dalam butul baru, tang agi wain ke sama,” ku iya.
Kelimpah ari nya, lebuh ngenang pasal repik parti SUPP iya nya Parti Rakyat Bersatu (UPP) ke lalu nadai udah disengkaum dalam GPS, baka maya agi BN, Saudi madahka pekara nya patut ulih diperundingka.
Enti dekaka gempung parti baru ti tegap agi, GPS nya ukai semina ulih nerima empat parti ke pansut ari BN tang patut ulih nerima parti bukai ke seruran meri kerejasama ngagai BN ngelama tu, baka UPP.
“UPP ke nadai dalam GPS iya nya siti pekara ti patut ulih diperundingka. UPP patut dipasukka dikena ngenegapka agi gempung nya.
“Tu siti agi liabiliti GPS lalu pengelurus ati sida enda ulih dikeandal sereta dianggap ngira diri aja.
“UPP patut dipasukka (dalam GPS) ngambika sida ulih dipadahka baka karam enggau nyemerai begulai,” ku iya.