Novel diberi nama ‘Dendam Udah Padam’ mujur dilanchar
SELANGAU: Sebuah novel dalam jaku Iban iya nya ‘Dendam Udah Padam’ dikarang Anita Nyuta enggau Manuella udah mujur dilanchar, apin lama ke udah.
Pengarang novel tu, Manuella Manyi ke datai ari Karangan Ma, Ulu Limbang nulis novel nya dalam kandang enam bulan diseruri’ sereta keluarka Anita Nyuta.
Manuella Manyi belabuh besekula ba di SK Kuala Mendalam lalu nampung sekula iya ngagai SMK Mendamit Limbang.
Kelimpah ari rindu ngetanka pengawa asal kitai Iban baka iya mega rindu macha sereta nulis novel.
Iya chukup puas ati laban ke udah mujur nulis novel keterubah iya begulai enggau Anita Nyuta.
Sebedau tu Anita Nyuta ke ngembuan pelajar Diploma dalam Jurusan Perniagaan kala udah nulis tiga iti novel.
Novel keterubah ke ditulis Anita begulai enggau siku pengarang tebilang Jaya Ramba ianya Sulu Injau I.
Sepengudah nya Anita nulis dua iti agi novel Sulu Injau II enggau Sulu Tasik Biru. Anita kala gawa nyadi pengarang aba Majalah Pegari Produc- tions sigi rinduka pengawa nulis novel enggau ngumpul jerita tuai, diatu nampung pelajar iya ngambi bidang Journalism ba siti Universiti di Melbourse, Australia.
Diatu iya benung nulis novel dalam jaku English diberi iya nama Miserable.
Seduai iya nganggauka Dr. Charlie Dudang, siku pengelicha ke tebilang ari Kuching ngelancharka novel nya ba rumah panjai Anita empu, ianya aba Rh Sumbang Anak Mekol, Sg. Ridan, Batu 89 ½ Jalai Sibu/Bintulu.
Seduai iya meri basa ngagai Dr Charlie laban ke rindu ninga iya bejaku ba churung radio ukai semina dalam program pemansang ekonomi menua pesisir enggau entelah tang mega selalu ninga iya meri licha peransang ngagai apai-indai anembiak di seluruh menua Sarawak.
Nitihka penerang, Dr Charlie udah meri licha ngagai opis dikuasa perintah, gerempung ti ukai dikuasa perintah, apaiindai anembiak ba mayuh bengkah sekula enda kurang ari 350 kali dalam kandang 10 taun tu ti udah.
Kebuah pengawa nya dilancharka aba rumah panjai sida iya ngambi semua kaban belayan datai sereta nyerekatka kaul nyerumba Gawai Dayak tu tadi.
Bisi enggau ngelancharka bup novel nya ianya Kapten Ujan Mekol enggau Dominic Inau Igan (laki Manuella).
Pengawa tu digulu kurang lebih 80 iku kaban belayan ari Sibu, Tatau enggau Bintulu. Ngagai sapa ke deka meli bup novelseduaiiyawhatsappngena lumur 0128877691 (Manuella) enggau +610426425955 (Anita Nyuta).