Dikena nyungkak pengelandik diri sereta lantang ngatur pengawa enggau pengereja pengawa perintah ari menua luar, ku Ahmad
SIBU: Gerempung Pengajar Bumiputera Sarawak ( KGBS) nyukung amat lalau Menteri Besai Tun Dr Mahathir ti minta semua pengereja pengawa perintah landik bejaku Jaku English.
Ketegal nya, Presiden KGBS Ahmad Malie andal amat raban pengereja pengawa perintah bela nyukung peminta nya.
“Ba pekara tu, KGBS nerima manah peminta nya ti nyadi chara dikena nentuka pengereja pengawa perintah semampai ransing deka nyungkakka pengelandik diri nyengkaum landik ba Jaku English.
“Taja pan baka nya, tu enda mai reti KGBS nyukung pengelandik ba Jaku English
Ba pekara tu, KGBS nerima manah peminta nya ti nyadi chara dikena nentuka pengereja pengawa perintah semampai ransing deka nyungkakka pengelandik diri nyengkaum landik ba Jaku English. Ahmad Malie Presiden KGBS
meseti bisi dikena minta pengawa perintah,” pia ku iya madah.
Iya mantaika jaku tu maya dipinta ngelansa peminta Tun Dr Mahathir nya.
Tang taja pia, Ahmad nangika pengawa ngemeratka Bahasa Malaysia (BM) deka majak enda dikeibuhka.
Ku iya, nyema Jaku English kelalu dikemeratka tu deka besibil enggau Perlembagaan 152 ti ngeletak jaku menua di Malaysia iya nya Bahasa Melayu.
“KGBS ngembuan penemu baka nya laban ba sesebengkah endur di menua mansang, sida lebih agi ngemeratka jaku bansa sida empu.
“Tang sida mega enda melakangka pengelandik bejaku Inggeris lebih agi maya berandau enggau piak menua luar,” ku iya madah baru.