Peranak Song minta SEB meri bil elekterik ninting bulan
KAPIT: Kenyau ari bulan Mac, Sarawak Energy Berhad (SEB) nadai nganjung bil ninting bulan penyampau kuasa karan ti dikena ngagai bala penguna di Pelilih Song.
Peranak ditu alit ati lalu sida ngapil ngagai SEB ngambi ngeluarka bil ninting bulan enggau meruan ngambi ulih ngemuntangka bala penguna bebayarka bil sida nitihka timpuh ti patut.
Kapitan Hun Haw Hui lebuhka dirandau madah kenyau ari Mac 2018, SEB puntan nganjung bil kuasa karan ninting bulan ngagai bala penguna.
“Sebedau tu nadai sebarang penanggul, kami nerima bil tetiap bulan datai ba ujung bulan lalu kami ulih bebayarka penyampau karan dikena sekalika di Opis Bank Simpanan Nasional (BSN) Song tauka di Pos Opis Song.
“Tang kenyau ari bulan March taunt tu, SEB badu agi ngeluarka bil ninting bulan lalu tu ngasuh bala penguna balat enda lantang ati. Baka ditemu kami, SEB nadai nyediaka bekal kuasa karan nadai bebayar, pengudah beberapa bulan, dalam siti bil manggai beratus ringgit, tu balat nating kami,” ku Kapitan Hun.
“Lebuh aku minta, sida madah semina siti meter aja dibacha lalu nadai kereban dikena ngeluarka salin bil nya. Kesemua bil ninting bulan dichelak di Kapit. Aku minta SEB nganjung kereban nyelak ngambi ulih nyelak bil tekala nya lebuh sida macha meter, penyampau bayar karan ti dikena.
“Kami beratika, bil ninting bulan enda besai penyampau ngambika kami muntang mayar. Enti pengudah beberapa bulan, penyampau deka mayuh agi lalu tu deka nating kami,” ku Kapitan Hun.
Mensia mayuh tau telefon nuju sambung servis penguna SEB 24 jam ba lumur 1300 88 3111 ungkup sebarang tanya.
Aku ngarika perintah PH besemaya perintah baru tu deka bejadika sempekat ke ditulis ba MA63.
Iya madah, PH enda melakangka rayat ba nengeri tu taja bisi sekeda nya irauka pengelikun hak Sarawak ba Sempekat Malaysia 1963 (MA63).
“Aku ngarika perintah PH besemaya perintah baru tu deka bejadika sempekat ke ditulis ba MA63.
“Kami semampai ngemeratka sempekat tu,” ku iya madah maya ‘Majlis Ramah
Sekeda ari manifesto nya ku iya, PH ukai semina besemaya mulaika baru autonomi pelajar enggau pengerami tang mega ngambi baru hak chukai ke digumpul ba nengeri tu.
“Kebuah pia laban semua chukai ari Sarawak dianjung ngagai perintah besai.
“Tang tu dikereja maya Barisan Nasional (BN) megai suba.
“Ba manifesto PH kami udah besemaya deka mulaika 50 peratus ari semua chukai nengeri tu diberi pulai baru ngagai nengeri Sarawak,” ku iya nerang.
Ling taja pan baka nya madahka PH bekenaka timpuh bejadika semua semaya nya.
“Agi mayuh polis bukai ti deka dipenyadika kami lalu aku ngarapka semua rayat ulih bekerejasama enggau PH,” pia ku iya andal.
Sama bela datai maya tu iya nya Menteri Muda Pelajar enggau Pemansik Teknologi Dr Annuar Rapa’ee, Ketuai Parti Keadilan Rakyat (PKR) Sibu Abdul Raafidin Majidi enggau Chairman MUC Anuar Taha.