Sekula di menua ulu Sarawak patut disambung bekal elekterik
Ngambika enda bepanggai ba kuasa karan ari injin api lalu ulih bekenaka perengkaguna nya 24 jam ungkup pengawa belajar
LIMBANG: Menteri Muda Betanam Betupi Dr Abdul Rahman Ismail dekaka sekula kelebih agi di menua ulu Sarawak ngambika disambung bekal kuasa karan lalu badu agi bepanggai ngagai kuasa karan ari injin api.
Ku iya, perengka guna bekal kuasa karan beguna amat ba atur pengawa belajar enggau ngajar di sekula.
Pia mega ku iya, sekula ti semina beberapa kilometer penyauh ari grid kuasa karan patut terus disambung ngagai perengka guna nya lalu enda ibuh bepanggai ngagai pemansut bekal kuasa ari injin api.
“Aku dekaka sekula di Limbang enggau di nengeri tu disambung terus ngagai grid kuasa karan enggau enda ibuh bepanggai ngagai injin api agi.
“Ari pemisi perengka guna grid kuasa karan, bala nembiak enggau pengajar ulih bekenaka perengkaguna nya 24 jam ungkup pengawa belajar,” ku iya rambau Program Pemesai Begulai Enggau Rayat diatur begulai Palan Penyulut Pelajar Opis Pelajar Pelilih (PPD) enggau Palan Servis Komuniti DUN Bukit Kota ditu, kemari.
Sama bisi datai Pemesai PPD Limbang Matzinan Wahid.
ADUN Bukit Kota madah pengawa nyambung grid kuasa karan beguna amat lalu tu deka mutarka penanggul bekal diesel ti tejanggal di beberapa buah sekula sebedau tu.
Ku iya, kelimpah ari penyikap perengkaguna pemun, sekula mega patut diangkatmanah, isu pemansang bukai baka sepital seruran diberi pemerat nadai ngira sapa bagi perintah ti megai.
Dr Abdul Rahman mega ngelalau bala pengajar ti enda lantang ati enggau penyapai pelajar sebedau tu, sida patut seruran ransing gawa ngemanahka tikas penyapai pelajar nya.
Ku iya, perintah ngagihka belanja ngagai sekula nyengkaum ungkup program
Ari pemisi perengka guna grid kuasa karan, bala nembiak enggau pengajar ulih bekenaka perengkaguna nya 24 jam ungkup pengawa belajar.
ngenegapka penyulut baka napi peresa perintah.
Kelimpah ari nya ku iya, pemutus peresa perintah patut dikemanah lalu semua patut bejalaika tanggungpengawa sida empu ngangkatka pemanah pelajar di Sarawak.
Sepenyampau RM218,000 geran agih belanja udah disua ngagai 51 penerima berebak enggau atur program nya.