Kelebih agi di Kalimantan Barat dikena ngangkatka aktiviti ekonomi ungkup pemaik ngagai kededua menua
KUCHING: Sarawak deka terus matau peluang kerejasama dua hala enggau Indonesia kelebih agi Kalimantan Barat dalam mayuh sektor.
Kepala Menteri, Datuk Patinggi Abang Johari Tun Openg madahka aktiviti dagang udah tumbuh enggau teguh entara Sarawak enggau Kalimantan.
Ba dagang temuai ku iya, jalai penerebai majak mayuh dibuka seraya meri awak lebih mayuh temuai ari kededua piak datai.
“Siti agi bidang ti ulih dipejalaika enggau kerejasama ti manah entara Sarawak enggau Kalimantan iya nya bekal kuasa karan ari Sarawak Energy Berhad ( SEB) ke Kalimantan.
“Bekal kuasa karan nya meri reti ti besai ari segi kerejasama ekonomi entara kitai enggau Kalimantan.
“Diatu, kitai deka matau siti agi bidang iya nya nyambungka telekomunikasi entara kitai Kalimantan.
“Nyema arus komunikasyen enggau internet entara kededua menua tu lebih jampat, lalu tu mega deka ngang-
Siti agi bidang ti ulih dipejalaika enggau kerejasama ti manah entara Sarawak enggau Kalimantan iya nya bekal kuasa karan ari Sarawak Energy Berhad (SEB) ke Kalimantan. Datuk Patinggi Abang Johari Tun Openg Kepala Menteri
katka agi aktiviti ekonomi entara kededua menua,” ku iya.
Iya madahka pekara nya lebuh bejaku ba Malam Kebudayaan Indonesia-Sarawak dikena meri tanda basa ngagai Konsul Jenderal Republik Indonesia, Bapak Jahar Gultom ba sebuah hotel ditu, ensanus.
Jahar deka pulai ke Jakarta, Indonesia ujung bulan tu sebedau pindah gawa ke endur bukai pengudah urung empat taun gawa ditu kenyau ari taun 2015.
Sama bisi datai Menteri Dagang Temuai, Seni, Main Asal, Nembiak enggauy Lumba enggau Main Datuk Abdul Karim Rahman Ham- zah sereta ke bukai.
Bejaku baru Abang Johari madahka kelimpah ari ekonomi, telekomunikasyen, bekal kuasa karan, dagang temuai, hospitaliti enggau pengerai, Sarawak enggau Indonesai mega bisi kaul manah ba bidang pelajar.
Sarawak ku iya udah besetuju enggau penumbuh Pusat Pembelajaran Komuniti (CLC) ungkup anak Tenaga Kerja Indonesia (TKI) ti gawa ba ladang.
Ku iya, nya meri peluang ngagai anak TNI bulih pelajar ti meruan.
Lebuh bejaku ba pengerami ke sama, Jahar beterima kasih ngagai Perintah Sarawak ti seruran meri sukung ngagai aktiviti enggau program ti diatur piak iya.
Tambah agi ku iya Kepala Menteri empu ( maya nyadi Sapit Kepala Menteri) udah mujur nyereta Festival Wonderful Indonesia ba Aruk, Sambas ba taun 2016 ti konvoi ngena motosikal ari Sarawak.
“Apin lama, penyampau temuai entara Indonesia enggau Sarawak nambah pengudah beberapa jalai penerebai baru beoperasi ari Bintulu ke Pontianak, Pontianak ke Miri enggau Pontianak Kuching.
“Aku ngarapka kaul tegap entara Indonesia enggau Sarawak tu deka terus meruan tegap nyentukka jemah ila,” ku iya.