Unit Pemansang Tumu Anak Mit udah dikemendar lalu bisi nyendiaka semilan pangku pengawa puang ungkup sida ti bisi pengelandik
KUCHING: Kabinet nengeri ngemendarka penumbuh unit baru dalam Opis Menteri Pengintu Pendiau, Pengelantang Komuniti, Indu enggau Pemansang Anak Mit (KKKKWPK) ke dikumbai Unit Pemansang Tumu Anak Mit.
Menteri iya, Dato Sri Fatimah Abdullah madah, kabinet nengeri mega ngemendarka semilan penuduk pengawa ba unit nya.
“Maya kaunsil aum kabinet nengeri pagi tadi (ensana) udah dikemendar penumbuh siti pengawa ke Unit Pemansang Tumu Anak Mit dibaruh Opis Menteri aku.
“Tusun atur pengawa ke terang udah digaga lalu dikemendar iya nya semilan penuduk pengawa deka diisi ba unit tu,” ku iya.
Iya madah munyi nya rambau aum pemberita pengudah betuaika aum Pengerami Bekemerah Aidilfitri e-DOK
Maya kaunsil aum kabinet nengeri pagi tadi (ensana) udah dikemendar penumbuh siti pengawa ke Unit Pemansang Tumu Anak Mit dibaruh Opis Menteri aku. Dato Sri Fatimah Abdullah Menteri Pengintu Pendiau, Pengelantang Komuniti, Indu enggau Pemansang Anak Mit
di bilik aum KKKKWPK, Begunan Baitul Makmur, Petra Jaya ditu, ensana.
Fatimah madah semina penuduk pengawa ba unit nya deka dipandang lalu tau dipinta nengah chara ‘online’ na laman ‘Sarawak e-recruitment’.
Kenu ku iya, taja semina penuduk pengawa nya kontrak, opis menteri iya deka bebendar minta pemendar ari Opis Pengereja Pengawa Perintah (JPA) awakka sida bulih status tetap sereta bisi pinchin.
Tambah mega, iya madah pangkat semina penuduk nya ari diploma nyentuk gred 48.
“Nya alai, kitai ngelalu sida ke bisi penau, peneleba enggau ngembuan pengelandik lebih agi ba bidang pelajar tumu anak mit minta pengawa puang nya ila.
“Kitai deka kualiti nyendiaka pelajar tumu anak mit ba nengeri tu ulih dikemanah agi,” ku tandu iya.
Berebak enggau nya, Fati- mah madah ngelama tu opis menteri iya nadai ngembuan unit khas ungkup pemansang anak mit lalu semina nguna Kaunsil Pelahar enggau Pemansang Anak Mit ke diarika bala volunteer.