Rayat enda ngira bansa enggau pangarap patut berani bejaku sereta begempung negi hak Sarawak bepelasarka Sempekat Malaysia 1963
SIBU: Angkatan Warisan Anak Sarawak (AWAS) tegap enggau penemu nyukung bala ketuai Sarawak negika hak-hak nengeri tu bepelasarka Sempekat Malaysia 1963 (MA63).
Nengah penerang media kemari, tiga ketuai unit AWAS madahka sukung penuh sida ngagai pengawa nagih hak Sarawak ke dipejalaika ketuai perintah nengeri tauka penyakal.
Ketuai Unit AWAS Sekuau, Simon Wong @ Mohamad Ali Abdullah madah rayat Sarawak enda ngira bansa enggau pangarap patut berani bejaku sereta begempung negika hak nengeri bepelasarka hak-hak nengeri nitih ke udah dikeaum nengah sempekat MA63 lebih agi minyak enggau gis.
“Sada rayat Sarawak enggau ketuai nengeri, enda ngira perintah tauka penyakal enggau ketuai nengeri, endang patut dibasa laban piak bekaul udah lama nagih pekara nya
“Rayat Sarawak ukai rindu minta ari orang sengapa, tang semina nagih pengasih, taja pia mega pengawa minta tauka pengeran tu tang nagih peminta tauka ngarap pengasih, tang mega minta nama utai endang ungkup rayat nengeri tu diambi enggau diatu nyau deka abis.
“Kami mega seruran nyukung iring ketuai Kepala Menteri ari genap sukut ke pemaik enggau pengelantang Sarawak,” ku iya.
Ketuai Unit AWAS Meradong, Ibrahim Abu Seman madah peminta bekaul enggau minyak sereta gis patut dikemeratka perintah nengeri.
Iya ,nyemetak madah hak Sarawak patut diberi pulai nitih MA63 suba..
“Udah datai maya iya perintah besai meri perati enggau semua peminta, lalu ukai enggau penetap.
“Rayat di nengeri ti enggai bejalika pasal politik enggau nadai asil. Nama utai dikekeda rayat iya pengelantang ba ditu,” ku iya.
Udah nya, Ketuai Unit AWAS Kampung Tule, Saribas Radin Mohamad Sapwani enggai isu minta hak Sarawak sengaja digaha perintah besai lubah.
Iya nangkan mengeri Sarawak enggau Sabah iya nya sebagi ari menua ti enggau numbuhka Malaysia ukai baka nengeri-nengeri bukai ba Semenanjung Malaysia.
Kami mega seruran nyukung iring ketuai Kepala Menteri ari genap sukut ke pemaik enggau pengelantang Sarawak. Simon Wong @ Mohamad Ali Abdullah Ketuai Unit AWAS Sekuau