Aram nyereta Pekit Kumang BDCF 2018

SIBU: Indu Dayak di nengeri tu ke agi rumpas beumur 18-30 taun diperansang nyereta Pekit n Kumang Pengerami Main Asal Dayak Borneo (BDCF) 2018 diatur ba Dataran Bandar Sibu Fasa I ditu kena 23 nyentuk 25 Julai tu.

Genap indu dara ke deka nyereta pekit tu meseti nge,bian peninggi enda kurang ari 5 kaki 2 inci.

Kenu ku penerang media komiti nya, pekit deka diatur tiga renggat.

“Rengat keterubah iya nya endur milih 10 finalis. Finalis dipilih dipinta ngayanka diri kena 24 Julai.

“Final Kumang BDCF 2018 diatur kena 25 Julai. Ketetiga renggat nya diatur ba panggau BDCF berengkah pukul 9 malam,” ku iya.

Kenu ku iya, semua pesereta ba tiga renggat nya deka diasuh ngena ngepan tauka pekayan nitihka pinta pengatur.

Kumang BDCF 2018 deka nerima RM2,000 besereta jumpang, selampai, trofi, hamper enggau bukai lalu gelar ‘Lulong’ (lumur dua) nerima RM1,500 sereta selampai, trofi, hamper

Gelar ‘Selinggar Matahari’ ( lumur tiga) deka nerima RM1,000 beseereta selempai, trofi enggau hamper.

Pesereta ba penuduk lumur empat enggau lima deka diberi RM350 enggau RM300 besereta enggau selampai. Lima pesereta bukai nela nerima RM200 nyadi perais pengaga ati.

Semua pesereta diakim nitih peratus poin iya nya pemajik deka diberi 70 peratus, pekayan (20 peratus) enggau langkar tubuh/ pengandal diri (10 peratus).

Bayar panjar semina RM30 disempulang salin tingki enggau gambar sais pasport. Haribulan kepenudi ngerejista diri iya nya 14 Julai itu, pukul 1 lemai.

Sebarang penerang bekaul tau betelefon nuju Angeline Uchi Maseng ngena lumur 016-8825861 tauka Senorita Salleh (013-8061265).