109 iku pematih PDK Kem Penrissen dirami

KUCHING: Gerempung ‘ Pemulihan Dalam Komuniti’ ( PDK) Kem Penrissen kemari ngerami 109 iku pematih palan nya nengah program Hari Ruang Bilik nyerumba pengerami Hari Raya Aidilfitri 2018.

Pengerami ke diatur di Dewan Bukavu, Kem Penrissen nya bela ngundang raban apai indai pematih.

Panglima 3 Briged infantri Brigidier Jeneral Mohd Bustaman Mat Zin ke mega penaung PDK Kem Penrissen ba jaku pengelalu madah palan nya udah mujur nyapai juluk, iya nya mantu bala pematih.

“Gerempung tu mujur matih sekeda pematih ke alai sida diatu udah ulih ngintu diri ba pengidup sida ninting hari.

“Pemujur tu ditempa asil pengeran raban PDK ti deka meda bala pematih ulih meranka pengidup baka orang bukai,” ku iya.

Pengerami digulu Kaban Kunsil Nengeri( ADUN) Stakan Dato Sri Mohamad Ali Mahmud enggau Panglima Pemerintah Medan Timur Soldadu Darat Leftenan Jeneral Datuk Stephen Mundaw.

Kelimpah ari nya, Bustaman mega meri jaku puji ngagai bantu ari ijinsi luar ba pekara wang ngagai PDK Kem Penrissen.

Nitihka penerang iya, ari 109 iku pematih, 65 iku sida lelaki lalu 44 iku orang indu ke alai sida beumur entara 4 nyentuk ngagai 45 taun.

Bustaman madah 81 iku sida dilatih di palan PDK Kem penrissen lalu 21 iku nerima latih di rumah.

Ba pengerami nya, Ali bisi nyuaka duit raya ngagai semua pematih.

Bela datai Panglima 1 divisyen Mejar jeneral Toh Choon Siang.

MERI DUIT RAYA: Ali (kiba) nyuaka duit raya ngagai seiku pematih PDK Kem Penrissen di Kuching kemari. Bela dipeda Stephen (kanan).

INSENTIF PELAJAR: Pengari Hassan (kiba) enggau apai indai nembiak ke nyulut dalam peresa begambar begulai enggau Tiong (tiga kiba) enggau Chieng (dua kanan) pengudah nerima perais enggau insentif.