Ngambika enda charut tanggungpengawa ba renggat nengeri, besai
KUCHING: Perintah besai nengah Ketua Setiausaha Negara (KSN) dipinta meri garis lalau ti terang pasal kaul kerejasama entara ejensi perintah ba renggat nengeri enggau besai.
Menteri Pengintu Pengelantang Pendiau, Komuniti, Orang Indu, Ruang Bilik enggau Pemansang Nembiak Mit, Dato Sri Fatimah Abdullah madahka garis lalau nya amat beguna nerangka penyarut skop pengawa enggau tanggungpengawa sereta kuasa entara kededua piak.
“Diatu kitai dalam timpuh enggau perintah baru sereta mayuh ketuai ejensi enggau opis perintah besai ba nengeri tu ti saru pasal skop pengawa enggau tanggungpengawa sida kelebih agi sentang nerima jaku padah.
“Ambika chunto, aku nyadi menteri ti megai tanggungpengawa pengintu pengelantang enggau pengelantang
Diatu kitai dalam timpuh enggau perintah baru sereta mayuh ketuai ejensi enggau opis perintah besai ba nengeri tu ti saru pasal skop pengawa enggau tanggungpengawa sida kelebih agi sentang nerima jaku padah. Dato Sri Fatimah Abdullah Menteri Pengintu Pengelantang Pendiau, Komuniti, Orang Indu, Ruang Bilik enggau Pemansang Nembiak Mit
pendiau rayat ba nengeri tu patut nemuai ngagai Sepital Kota Sentosa, tang aku dipadahka penemuai nya enda ulih diteruska ketegal jaku tangkan ari piak tetinggi.
“Tang nadai jaku padah ke terang pasal pekara tu lalu aku minta piak perintah besai meri jaku padah enggau garis lalau ti jelas ngambika kitai ulih terus bekerejasama,” ku iya.
Iya mansutka pekara nya ba ‘Majlis Riang Ria Aidilfitri dan Ngiling Tikai’ ke diatur Kelab Rekreasyen Opis Orang Indu enggau Ruang Bilik Sarawak ba Wisma Wanita, Jalan Sultan Tengah ditu, kilah ensana.
Namabahka nya Fatimah madah, taja pan bisi berubah dalam perintah ti megai tang ejensi enggau opis perintah sekalika di baruh perintah nengeri tauka perintah besai patut terus bekerejasama.
Ku Fatimah, enda ngira nama ke nyadi dalam berubah perintah komitmen kitai lebih agi mantu enggau nyaga pengintu pengelantang pendiau rayat enda patut berubah.
“Ba aku, pekara pengintu pengelantang pendiau rayat nyengkaum pelajar enda patut dipolitikka.
“Ambika chunto bantu penusah ngenyit enggau pengelantang pendiau, ejensi enggau opis perintah ba renggat nengeri tauka besai enda ulih kitai ngereja kediri.
“Nya alai, kitai amat ngarapka udah tu, Perintah Besai nengah Ketua Setiausaha Negara deka meri garis lalau ti terang pasal pekara tu lalu kitai deka nitihka jaku padah ari sida,” ku iya.
Dikena ngulihka penerang ti lebih terang pasal skop pengawa enggau tanggungpengawa sereta kuasa entara opis menteri iya enggau opis menteri renggat perintah besai, Fatimah ditimpuhka deka meri penemuai basa ngagai Sapit Menteri Besai Datuk Seri Wan Azizah Wan Ismail ti mega Menteri Orang Indu enggau pemansang Ruang Bilik, kena 27 Julai tu.
Penemuai nya ila dikearapka deka nyerenih pasal tunga kuing kaul kerejasama entara kededua piak ke bisi batang tuju ti sama iya nya ngering sereta ngangkatka orang indu enggau pengelantang pendiau rayat.
Sama bisi datai ba pengerami nya, Menteri Muda Orang Indu, Ruang Bilik enggau pemansang Nembiak Mit, Rosey Yunus; Menteri Muda Pengelantang Pendiau Raban Bansa Datuk Farancis Harden Hollis, Direktor Opis Orang Indu enggau Ruang Bilik Sarawak Noriah Ahamd enggau ke bukai.