Gelar Kumang Pengerami BDCF 2018 udah ditukar nama ngagai MISS BDCF

ngagai seduai iya.

Ba lansa tu mega, Kaban Parlimen Batang Lupar Datuk Seri Rohani Karim lebuh dikerandau kemari nyerumba tuduh penagku pengawa ti diberi ngagai kededua pemesai tu meri peluang ngagai nyawa rayat Sarawak deka majak didinga di renggat Perintah Besai.

“Aku gaga endar hari ninga bisi pengari ari Sarawak dalam kabinet perintah PH, lalu aku ngarapka sedua iya ulih mai pemerat rayat kelebih agi di Sarawak dikemansangka,” ku iya. — Bernama SIBU: Komiti Pengatur Mantaika Main Asal Borneo (BCF), Opis Kaunsil Sibu (SMC) nyilih nama Kumang Pengerami Mantaika Main Asal Dayak Borneo (BDCF) 2018 ngagai nama MISS BDCF 2018.

Pekara tu dipadah pengari komiti pengatur Miss BDCF 2018, Senorita Salleh ngagai pengarang berita, kemari.

“SMC minta kami ngambika nyilih ‘Kumang’ ngagai ‘Miss’ ketegal bisi pekara bukai.

“Taja pan baka nya, atur enggau perais pekit agi baka ngelama tu,” ku iya ti enggai madah enggau silik agi.

Ba pekit tu, indu Dayak serata nengeri ke agi dara beumur 18-30 ditesau ngambi bagi ba Miss BDCF 2018.

Pekit nya diatur kena 23-25 Julai tu ba Dataran Bandar Sibu Fasa I.

Champian pekit tu deka mai pulai perais RM2,000, jupang, selampai, trupi, hamper enggau bungai.

Penuduk lumur dua enggau tiga mai perais RM1,500 enggau RM1,000 sereta bela disempulang selampai, trupi enggau hamper.

Penuduk lumur empat enggau lima bela mai perais RM350 enggau RM300 sereta disempulang selampai.

Perais sagu ati ngagai lima iku pemekit mai perais RM200.

Bayar enggau pekit tu RM30 lalu nama direjister enda laun ari 14 Julai, jam 1 lemai.

Penerang silik tau ditanya ngagai Angeline Uchi Maseng nengah lumur 016-8825861 tauka Senorita Salleh (0138061265).