Wilson Nyabong ngabas PPRT seraya Nutup Gawai di Rumah Tang
KUCHING: Kaban Kunsil Nengeri ( ADUN) Krian Ali Biju sepenemu enggau Chairman Parti Keadilan Rakyat (PKR) Sarawak enda nyukung Rang Undang-Undang (Ubah) Kanun Tanah 2018 ti deka dibantai maya Aum Kunsil Nengeri (DUN) tu.
Iya madahka rang undangundang (ubah) Kanun Tanah nya enda ulih diterima laban iya mimit pan nadai ngaul pasal Pemakai Menoa enggau Pulau Galau (PMPG).
“Adat (PMPG) nyau baka ke nadai tang adat tu udah lama bisi kenyau ari beratus taun ke udah.
“Nitihka pematut enda ulih dikinsil pia aja, ukai pangku pengawa kitai nukar sejarah, kitai enda ulih nukar iya laban iya endang udah lama bisi kenyau ari menya,” ku iya.
Iya mansutka jaku nya lebuh dirandau pengudah Istiadat Pembukaan Penggal Ketiga Persidangan Dewan Undangan Negeri Ke-18 di Kompleks Dewan Undangan Negeri (DUN) baru ditu, kemari.
Berebak enggau nya ku Ali, enti rang undang-undang tu dikemendar di DUN ila, tu deka mulauka peminta rayat kelebih agi Bumiputera di nengeri tu.
“Aku deka mantah ubah tu, aku deka ngundi ngambika nulak mosyen tu,” ku iya nandu.
Ngelansa silik pasal ubah nya, iya nerangka ubah undang- undang nya nitihka pematut mutarka isu PMPG.
“Taja pia rang undangundang tu nadai kaul tauka nyebut leka jaku PMPG.
“Isu ke amat enda ulih dibuai pia aja, kitai enda ulih dikelaung laban seruran deka bisi, seagi bedau teputarka leka jaku nya, seagi nya jaku tu meruan bisi,” ku iya.
Pia mega ku iya, taja perintah nengeri deka nukar leka jaku PMPG nya, raban bansa Bumiputera enda deka nerima pemutus nya.
Kena Hari Minggu tu tadi, ADUN Ba’Kelalan, Baru Bian mantah rang undangundang (ubah) laban raban sida tetemuka langkar/draf nya enda kosisten enggau pemutus kort kelebih agi ngaul PMPG.
“Aku enda ulih madah isi bekaul enggau langkar/draf nya diatu tang aku ngarap maya dibantai ba DUN ila, tu deka seriris enggau pemutus kort.
“Enti enda, kami deka mantah,” ku iya ke lalu nyadi Menteri Kereja Raya enggau Kaban Parlimen Selangau rambau aum pengarang berita nya. KAPIT: Kaban Kunsil Nengeri ( ADUN) Pelagus Wilson Nyabong Ijang bisi ngatur pejalai ngabas Program Perumahan Rakyat Termiskin ( PPRT) di Rumah Tang Siput seraya bejadika Pengerami Nutup Gawai Dayak 2018, apin lama ke udah.
Penatai Nyabong disambut manah Tuai Rumah Tang Siput sereta sida serumah ke bisi 18 pintu. Bala sida meri terima kasih ngagai Nyabong ti udah ngemendarka PPRT dikena nyaup sida nukar atap rumah lama ngena atap spandex, sereta mega ngulu pengawa sida nutup Gawai Dayak 2018.
Pengudah miring tembu, Nyabong disempulang bala ketuai raban bansa bukai bela ngiling bidai kelai Gawai tembu diintu ungkup taun tu.
Ba lansa bukai, Nyabong minta peranak nyukung perintah nengeri di baruh pegai Gabungan Parti Sarawak ( GPS) dikena nyaga peminta sida.
Adat (PMPG) nyau baka ke nadai tang adat tu udah lama bisi kenyau ari beratus taun ke udah. Ali Biju ADUN Krian
Iya mega besemaya deka naka ulih gawaka bala pengundi.
Antara bala bukai bisi datai Pemesai Khas Nyabong – Wallace Paul, Sekretari PRS Bagi Menua Pelagus, Penghulu Daniel Dian, Pemancha David Dian, Penghulu Sallang Batang, Penghulu Undi Bajai, Penghulu Steward Sawing sereta mega bala kaban ari Sayap Indu enggau Nembiak PRS Pelagus.