Enda salah BERSATU deka ngerembai sayap ke Sarawak
MIRI: BERSATU ti berunding deka ngerembaika sayak sida iya ngagai Sarawak endang dikelalu, ku Sekretari Pakatan Harapan (PH) Sarawak, Alan Ling Sie Kiong.
Iya madah, enda salah ke BERSATU lalu nya mega siti proses ke baka selama tu ke barang parti politik ke bisi genera nyingkang ke mua sereta nyapai pemerat, bisi ati gawa ke rayat.
“Ba penemu politik, sida (BERSATU) patut kitu, baka DAP ke ngerembaika sayap sida iya ke Sarawak 40 taun tu ke udah, enggau PKR ba pemun taun 2000, sereta baka parti baru Amanah pan bisi pampang sereta kaban parti nya ditu,” ku Ling madah ngagai The Borneo Post, kemari.
Sekretari PH renggat menua Sarawak nya madah munyi nya lebuh iya diasuh nimbal pemutus ke digaga ulih BERSATU ke deka masuk ke Sarawak.
Ku Ling, pekara tu normal, lalu iya pan ukai pengawa ke salah ke barang parti politik ke deka ngerembaika sayap sida iya kitu lalu nambah kaban parti nya ditu, alai Sarawak nyendiaka ‘lacuna’ ke penama nya.
Alan Ling ti mega nyadi Sekretari DAP Menua Sarawak nandu baru madahka penama BERSATU baka ke ‘ngelanjurka’ nyukung PH menua tu, ba pemerat kuasa menua tu maya Pengawa Bepilih Besai Menua ke-12 (PRN12) dalam kandang dua setengah taun tu ila.
Iya madah, kitai meseti beratika penama BERSATU ari sukut positif lalu nerima pemansang baru tu ke nyangka deka ngubah lanskap politik di Sarawak enggau penemu runding ke tuai sereta endang betatika pemerat rayat Sarawak.
“BERSATU ukai UMNO, BERSATU digempung sereta ditumbuhka ngelaban UMNO lalu sereta sukung ke diberi mensia mayuh, sereta sengkaum penegap politik ari komponen PH baka PKR, DAP enggau Amanah, PH ulih nyadi Perintah Besai kena 9 Mei tu tadi,” ku iya.
Alan madahka pemenang PH datai ari mayuh macham bengkah pekara, kelimpah ari skandal Barisan Nasional (BN), tang pemerat bengkah ke enda ulih dikeenggaika iya nya singkang ke berani PH maya nya (PKR, DAP enggau Amanah aja) nyengkaum BERSATU begulai enggau Tun Mahathir ke nyadi orang ke berat ke ngejangka ubah.
Iya madah pemerat pengawa ke digaga ulih Dato Sri Anwar Ibrahim, Lim Kit Siang enggau Mat Sabu meseti dikeingatka, tang singkang ke berani digaga ulih Tun Mahathir enggau Tan Sri Muhyiddin ninggalka UNMO lalu numbuhka parti baru enggau gempung baru, ke betuju ngalahka BN, siti pengawa ke enda ulih diperundingka kitai pemerani sida iya.
Iya madah pemutus ke digaga ulih pemesai PH, siti nasit ke enda ditemu kitai kelebih agi dalam politik, tang pemesai tu majakka pengawa sida iya laban betatika pemerat rayat sereta rebak baru.
Dunya tu nyerumba kampung enggau pemoden teknologi, nyengkaum pengerembai sereta pemansang politik.
Nya alai ku iya, parti ke irau endar ati diatu nyangka Parti Pesaka Bumiputera (PBB).
Ling, 35, seriku luyar kala nyadi ADUN Piasau ke beberita endar ba orang Miri empu ke dipelabaka nyadi chalun Parlimen ke penuduk Miri, tang Linda enda dipilih laban penuduk nya diberi ngagai PKR dalam taun 2013 tu tadi.
Taja pia, Ling enggau raban iya udah bebendar endar gawa beratika chalun PKR Miri, Dr. Michael Teo maya nya ke balat endar kena bantah ketegal pengawa ke digaga iya sekumbang nyadi MP ari 2013 ngagai 2018.
Taja pan enda enggau Kunsil Nengeri ari taun 2016, Ling agi bebendar gawa ‘turun padang’ sereta seiku kaban politik ke dibasa, sereta mayuh nerima kangau ari mensia mayuh ngepunka atur pengawa mensia mayuh, taja pan nadai agi mangku pengawa politik.
Diatu udah perintah baru, PH ke nyadi Perintah Besai, Ling dikarapka mai penanggul mensia mayuh di Miri ngagai Perintah Besai.
Naka kediatu ku iya, penanggul bekait enggau IPG Sarawak IPG Rajang, kala madah ngagai iya ke mujur diperati ulih Opis Menteri Pelajar agi mengkang ngenanka palan nya, nyengkau bekal minyak ngagai menua pesisir mega dibantaika ulih Ling ngagai Opis Menteri Wang.
“Mayuh orang ditu irau ati pasal penanggul penuduk sida iya nyadi rayat menua tu. Aku ngarapka ulih mantu sida iya nengah Opis Menteri Dalam Menua (KDN)enti bisi komiti ditumbuhka ngambika bisi atur ke patut dititih,” ku iya.