SDNU Sibu deka ngatur Pekit Betabuh/Ngajat nyerumba BDCF
SIBU: Pekit Betabuh/Ngajat sekali agi diatur beserimbai enggau Pengerami Mantaika Main Asal Dayak Borneo (BDCF) 2018 kena 20 Julai tu ba Panggau BDCF, Dataran Bandar Sibu Fasa I.
Chairman Komiti Pengatur, Jawi Anom madahka pekit nya ti belabuh 7 lemai tebuka ngagai semua kategori umur enda ngira laki tauka indu.
“Dua bengkah pekit tu meseti disempulang siti tim ari lima iku betabuh enggau siku agi ngajat laban pekit tu diatur kitai seretai (betabuh/ ngajat),” pia ku iya ba aum media ditu, kemari.
Jawi madah, puin deka diberi nitihka pengelandik ( 50 peratus), ngepan ( 20 peratus), pemuka ajat (15 peratus) enggau pengujung ajat (15 peratus).
Ku iya, tiap iti tim diberi tiga minit mantaika penga- landik sida.
Taja pan pia, tim ke udah menang taun siti tadi enda dikemendar ngambi baru ba pekit tu.
Kereban betabuh endang udah bisi disediaka piak pengatur.
“Tim ke menang deka mai pulai perais ke manah ari komiti pengatur,” ku iya madah baru.
Pom tau diambi ba Jawi Anom nengah lumur 0198271076, Ambrose John (016-8931385) tauka Winnie (019-8472080).
Pom enda tau laun dianjung ngelui ari 29 Julai tu, pukul 5 lemai.
Sama bela datai maya aum media tu iya nya penyanding penemu pekit ti mega Chairman Gerempung Dayak Sarawak (SDNU) Sibu Chambai Lindong enggau sekretari komiti pengatur Ambrose John.