Ubah OMO 2018 meri kuasa ngagai S’wak ba pengawa ngelumbung minyak
KUCHING: Rang UndangUndang Ngelumbung Minyak ( Ubah) 2018, dikemendarka Kunsil Nengeri pengudah bacha ketiga kali kemari.
Rang undang- undang nya dikemendarka nengah undi enggau sukung majoriti Kaban Kunsil Nengeri.
Pemutus nya dibantaika Speaker Kunsil Nengeri, Datuk Amar Mohamad Asfia Awang Nassar maya baum muak ke lemai kemari.
Rang Undang-undang nya dibantaika Menteri Kedua Pemansang Mengeri enggau Pengeraja Asal, Datuk Amar Awang Tengah Ali Hasan, ti madahka enggau ubah tu perintah nengeri ulih ngering tauka ngenegapka agi pengawa nyaga sereta ngatur ba pengawa nyerungkai enggau ngiga petroleum ( ti nunda definisyen nyengkaum “gis asli”).
Sereta nyengkaum pengawa ngelumbung ba darat menua tu, sekalika ba darat tauka tasik dalam Pelantar Menua ti ngambi kira definisyen “Tanah Perintah” dalam Seksyen 2 Undang- Undang Tanah nyengkaum tebing pantai enggau dalam tasik ba garis menua Sarawak udah dikemesaika Sarawak (Ubah ba entara ) baka Perintah Dalam Kaunsil 1954.
“Ubah tu dikena ngemaruka sekeda pekara (ke diungkup) dalam Ordinan Ngelumbung Minyak (OMO) lalu nyemelaka ordinan nya enggau operasyen sereta pekara ke dikemeranka diatu dalam sektor pemun dalam industri minyak enggau gis,” ku iya.
Nambahka nya Awang Tengah madah, PETRONAS ke nyadi sebuah Kompeni minyak menua lebuh beoperasyen di Sarawak enda tau enda nitihka undang-undang nengeri tu, kelebih agi OMO enggau Undang- Undang Tanah.
Rayat Sarawak ku iya, dekaka PETRONAS bebasaka undang-undang nengeri kitai.
“Perintah Sarawak deka nentuku juluk rayat Sarawak nyadi nyata sereta deka terus bebendar ngetanka hak nengeri ba minyak enggau gis ke diulih ari tanah kitai sekalika ba darat enggau luar pantai.
“Ubah ngagai OMO deka numbuhka langkar kereja nyaga enggau ngatur ti engekeman agi ungkup sektor pemun enggau nangkanka nya nengah penerit atur Ordinan Nyadung Gis, 2016.
“Tu manifestasi tegap perintah nengeri ti deka nyaga enggau ngetanka hak nengeri enggau pemegai guna minyak enggau gis ngagai nengeri,” ku iya.
Kelimpah ari nya, lebuh ti nyimpul jurai pengudah rang undang- undang nya dikemendarka, Awang Tengah madahka bekaul enggau isu penerit atur ngagai pengemeran industri ke udah bisi, perintah deka meri timpuh ngagai pengemeran ke bedau nitihka atur OMO.
Isu penerit atur dibantaika Kaban Kunsil Nengeri ( ADUN) Lingga, sadong Jaya, Daro , Padungan enggau sida ke bukai maya bejuraika rang undang-undang nya.
“Perintah udah ngaga pemutus meri timpuh nangguh nyentuk ujung taun 2019 (ngagai pengemeran industri) alai sida nitihka atur sereta ngemaruka operasyen sida.
“Ke pemadu beguna perintah diatu bejalaika chara dikena nentuka semua piak bejalaika nama ke patut dikena nyemakaka operasyen nitihka undang-undang nengeri,” ku iya.
Bejaku baru iya madahka perintah nengeri mega udah berandau enggau semua pesereta industri kenyau 16 Mei ke alai semua penerang enggau perintah udah diberi. KUCHING: Undang - Undang Ngelumbung Minyak (OMO) (Ubah), 2018 deka meri kuasa ngagai Perintah Sarawak bejalaika kuasa bekaul enggau ngelumbung minyak di nengeri tu.
Kaban Kunsil Nengeri (ADUN) Lingga, Simoi Peri madah, kitai nengeri tu enggai agi ‘berputih mata’.
“Lebuh bisi penatai pemisi sereta ngumpul asil nengeri ti tegap sereta nadai ngetu udah nentu kitai ulih ngelangkar mayuh agi pemansang ke rayat enggau nengeri kitai seraya nyungkak pemeranak puku domestik enggau luar
Ubah tu dikena ngemaruka sekeda pekara (ke diungkup) dalam Ordinan Ngelumbung Minyak (OMO) lalu nyemelaka ordinan nya enggau operasyen sereta pekara ke dikemeranka diatu dalam sektor pemun dalam industri minyak enggau gis. Datuk Amar Awang Tengah Ali Hasan Menteri Kedua Pemansang Mengeri enggau Pengeraja Asal
menua.
“Aku pechaya Perintah Nengeri Sarawak enda bekompromi sereta tetap ngetanka hak ke bisi dalam Sempekat Malaysia 1963 baka ngatur minyak enggau gis di nengeri tu.
“Udah datai ba maya iya Perintah Nengeri Sarawak ngatur sereta nyaga hak Sarawak, ke guna rayat Sarawak empu, kelebih agi ba pengawa mai mayuh pemansang di kandang menua pesisir,” ku iya.
Simoi mansutka pekara nya lebuh ti nyukung mosyen Rang Undang-Undang Ngelumbung Minyak ( Ubah), 2018 maya Bacha Kedua Kali ke dibantaika Sapit Kepala Menteri ti mega Menteri Kedua Pemansang Mengeri enggau Pengeraja Asal, Datuk Amar Awang Tengah Ali Hasan ba aum Kunsil Nengeri Ke-18 ba Hari Kedua, di Kompleks Kunsil Nengeri ditu, kemari.
Dulu ari nya Simoi madah, Dalam Pekara 2 ( b) Ubah Rang Undang-undang Ngelumbung Minyak 2018 nya, udah numbuhka Opis Bekuasa Ngelumbung enggau Mineral Nengeri (SMMA).
Ku iya, enggau nya deka ngenegapka opis bekuasa nengeri bejalaika kuasa nyadi pengatur sereta ngemata dalam industri minyak enggau gis.
Ku iya, mayuh rayat Sarawak ti bepenemu sereta pandai gawa di serata dunya, ke ulih dikangau pulai kitu meri servis ngagai SMMA.
“Aku ngarapka sida ti nguluka SMMA tu, sida ti pakar sereta bisi pengulih nyukung penumbuh sektor pemun enggau nangkanka nya kelebih agi dalam bidang minyak enggau gis, lalu berebak enggau ti sida enda tau enda bisi penegap diri tinggi ngagai Nengeri Sarawak,” ku iya.