Anang guai lantang enggau gaya pengawa ke kurang kualiti laban jeman udah berubah
MIRI: Kepala pengajar dilalau nyendiaka sida iya empu enggau penemu ke baru, pengelandik sereta teknologi nengah pemansang profesional ke bejarit dalam pengawa ngemutarka empas nuju pengawa industri 4.0 ke udah betukar jeman (Industrial Revoultion 4.0).
“Kitai anang guai lantang enggau gaya pengawa kitai ke kurang kualiti laban jeman udah berubah lalu nambah enggau nya, nyengkaum teknologi ke jampat berubah, alai bala nembiak enda tau enda betatika pekara nya sereta nyadi orang ke inovatif ngambika ulih napi Industri 4.0.
“Pengawa tu sigi pedis tang pelajar ke meri orang nya peluang ngemansangka diri lalu ulih meri pemansang ngagai menua enggau komuniti,” ku Menteri Pelajar, Sains enggau Pansik Teknologi, Dato Sri Michael Manyin Jawong madah lebuh bejaku ngepunka atur pengawa ‘53rd Secondary School Principal Education Management Conference of Sarawak’ ditu, kemari.
Iya nandu baru madahka pengawa ngajar dalam abad ke-21 tu, kelebih agi ke kepala pengajar, mayuh ngaul ngagai empas penemu, roh, adat pesaka, barang, ideologi baru
Pengawa tu sigi pedis tang pelajar ke meri orang nya peluang ngemansangka diri lalu ulih meri pemansang ngagai menua enggau komuniti. Dato Sri Michael Manyin Jawong Menteri Pelajar, Sains enggau Pansik Teknologi
enggau pekara bekait enggau chara pengawa mensia mayuh.
“Dalam jeman digital diatu, ubah sereta empas ke ditapi ulih kepala pengajar enda ulih di iyarka. Iya nyadi sebagi ari peluang belajar ke bekualiti tinggi di sekula, lalu bejuraika empas nya.
“Kepala pengajar enda tau enda ngembuan penau ke besai ke ulih ngangkat sereta ngenegapka sida iya nyadi chunto ke pengajar enggau nembiak baruh pegai sida iya,” ku iya.
Aum nya ti dipunka kena hari Satu (9 Julai) ngagai hari Empat (12 Julai) ke ngena jaku rambai, ‘Principal Ac- celerates the National Education Transformation’ betatika pekara bekait enggau bakani deka ngemanahka agi kualiti ketuai ba entara pengajar, ke bela digulu ulih 193 kepala pengajar sekula enggau 31 pegawai opis pelajar (PPD) ari serata menua tu.
Manyin nandu baru madahka ubah ba pelajar enda tau enda sejalai enggau transformesyen ekonomi ngambika pelajar nembiak ulih digaga manah agi, lalu nambah enggau nya, nyendiaka bala nembiak sekula muntang teulihka kualiti pelajar, alai kepala pengajar ke nyadi orang ke ngaga bida nya, meri pemutus peresa ke manah tauka ngemanahka agi disiplin sekula.
“Kepala pengajar bisi dua tanggungpengawa - nyadi ketuai sereta menija. Teori madahka ketuai meseti ngaga pengawa ke manah lalu menija ngaga pengawa ke betul, nya kebuah ketuai enda tau enda orang ke engkeman lalu pengawa tu ukai muntang digaga.
“Pengawa kepala pengajar sigi berat lalu deka ngaga bida ba barang endur sekula alai sida iya laban kepala pengajar ulih meri peransang ngagai pengajar, ngambika sida iya deka nyadi pengajar ke gagit endar ati lalu deka ngaga sekula nya mujur,” ku iya.
Sama bisi enggau ngulu atur pengawa nya, Direktor Opis Pelajar Rakayah Madon, chairman Gerempung Kepala Pengajar Sekula Sekondari Sarawak, Abang Othman Abang Masagus enggau sapit direktor Opis Pelajar, Abang Mat Ali Abang Masagus.