VSD deka meri vaksin rabies nadai bebayar kena 14 Julai tu di Sarikei
bedau lama tu tadi.
Pengerami nya diatur MedSSU (Medical Society of SEGi Universiti).
Nambahka jaku iya, ku Alice, diatu mega palan nya mujur matih tiga bengkah renggat pelajar ngambi kus lutur alai sida nya gawa ba serata menua enggau dunya.
“Kelimpah napi peresa enggau pelajar ke mar, awak belajar ditu mega nyadika awak ti berega nemu sereta beratika pemanah main asal enggau adat dikembuan rayat pupu bansa nengeri Sarawak.
“Pia mega aku andal amat sida ke udah belajar ditu suba datai baru gawa ba mengeri Sibu tauka endur bukai di nengeri Sarawak,” ku iya madah baru.
Ba pekara bukai, Alice madah, baka pengerami bukai Gawai Dayak enggau Hari Raya ba nengeri tu diintu rami begulai enggau pangan diri taja enda sama jalai pengarap enggau bansa.
Pengerami lemai nya dikemujurka agi enggau macham bengkah program panggau ti merindang ati.
Sama bela datai maya tu iya nya Dekan Fakulti Perubatan Kampus Kelinik SEGi Universiti Sibu Prof Dr Mohd Raili Suhaili enggau Presiden Persatuan Pelajar Perubatan SEGi Universiti Nancy Ng. SARIKEI: Berindik ari kes igi penyakit rabies ke bisi ditemu ba ukui di KM 0.2 Jalai Jakar/Sebangkoi bedau lama, Opis Servis Veterinari (VSD) nengeri deka bejalaika pengawa ngatur Program Vaksin Anti- Rabies Enda Bebayar ungkup ukui di semua pelilih ke dibungkur Bagi Menua Sarikei ditu kena 14 Julai tu.
Nitih ke penerang ti diterima ke udah dikeluarka opis nya, programv tu deka dipejalai ba Opis Servis Veterinari, Jalai Kapur ditu beengkah ari pukul 9 pagi nyentukka 5 lemai.
Ku penerang nya, vaksin enda bebayar tu iya nya semina ungkup ukui aja, lalu pia mega semina ungkup ukui ba pelilih Sarikei aja.
Orang ti bempu ukui dipinta mai sekali dokumen pengelala dikena proses ngisi pom rejister ukui.
Kelimpah ari nya, orang ti ngempu ukui nya mega di- tangkan ngambika mai semua jelu tupi sida kelimpah ari ke udah kena tuchuk vaksin nya ba taun 2017, dikena nangkup batang tuju program nya ti deka nentuka bagi menua nya nadai penyakit rabies.
Taja pia, enda tau sesekali mai ukui ke dalam sitak ti bisi igi penyakit rabies ba nengeri tu.
Mensia mayuh mega dipinta anang ngambi tauka mai anak ukui tauka ukui ke nyau besai ti ndaia prang ngempu.
Beserimbai enggau nya, opis veterinari minta kerejasama mensia mayuh laban staf opis nya diatu benung bejalaika pengawa meri vaksin ari rumah ke rumah ti ba dalam 10 kilometer radius ari Jakar.
Penerang ke silik bekaul program tu ulih terus telefon ngagai Opis Veterinari Bagi Menua Sarikei ba numur 084658129 tauka ngagai Sapit Pemesai Vaterinari Matthew Joan (019-4897856).