Shamsirudin diatu udah mangku pengawa nyadi komander Infantri Semilan Brigade di Sibu

SIBU: Brigadier- General Shamsirudin Mohd Shariff diatu udah mangku pengawa nyadi komander Infantri Semilan Brigad, ditu.

Pangku pengawa nya diserah ulih Pemangku Komander Infantri, Leftenan Kolonel Abdul Razak Hashim ba siti atur pengawa di Kem Regimen Ranger ba Batu 14, Oya ditu, kena hari Dua tu tadi.

Sama bisi enggau ngulu sereta besaksika atur pengawa nya, iya nya Komander 1 Divisyen, Major-General Toh Choon Siang.

Beserimbai enggau atur pengawa nya, pengawa bebaris bisi digaga ulih 18 pemesai enggau 185 pegawai bukai baruh Infantri Semilan Brigade betuaika Komander Wilayah Regimen 510, Lef- tenan Kolonel Zakaria Abdul Rahman.

KOMANDER INFANTRI SEMILAN BRIGAD BARU: Shamsirudin (kiba) nerima surat nyerah pangku pengawa ari Abdul Razak ke bela dikemata ulih Toh.