Palan Macha Negeri Sarawak deka ngatur ‘Kolokium Perpustakaan-Perpustakaan Sarawak’ dalam bulan Ogos tu

KUCHING: Palan Macha Negeri Sarawak deka ngatur ‘Kolokium PerpustakaanPerpustakaan Sarawak’ dalam bulan Ogos tu ila, ke digaga beserimbai enggau ‘Kongres Perpustakaan dan Maklumat Dunia (WLIC) Persekutuan Perpustakaan dan Institusi Antarabangsa (IFLA) 2018’.

Ku penerang ari Palan Macha Negeri Sarawak kemari madahka, kolokium nya nyadi palan alai bekunsi penemu enggau peneleba kena mantaika keretas kereja sereta poster ke bisi diterima, ngambika bisi dibantaika ngagai kongress maya nya ila.

Palan Macha Negeri Sarawak deka mantaika tiga keretas sereta dua iti poster ngagai IELIC IFLA 2018 tu ila.

Kelimpah ari nya, kolokium nya deka beratika jurai ba entara sida raban palan macha bekait enggau empas digital ekonomi Sarawak sereta servis palan macha nya.

Dipelabaka urung 150 penyereta deka enggau ngulu program nya, ke datai ari palan macha mensia mayuh ari sitak menua baka Opis Kaunsil Palan Macha Selangor, Johor, Kelantan, Pulau Pinang enggau Dewan Bandaraya Kuala Lumpur.

Program ke pengabis besai ba program tu, iya nya kolokium nya bisi bekait enggau ‘Indigenous Voices and Profession Way Forward in Digital Economy Dialogue’.

Entara raban panel ke bisi enggau program tu, iya nya Kepala Direktor Palan Macha Menua Malaysia Dato Nafisah Ahmad, Ketuai Pegawai Eksekutif Palan Macha Menua Sarawak Dr. Rashidah Bolhassan enggau Direktor Palan Servis Penerang Akademi, UNIMAS, Korina Ibrahim, Chairman Gerempung Palan Macha Malaysia (PPM) Kumpulan Sarawak, Imilia Ibrahim enggau Dr. Nor Edzan Nasir.

Moderator ke kolokium nya, iya nya Valentino Abu Bakar.