SK Long Sepiling, LSS Utara ngatur kimpin ‘1 Express 1 Tong Sampah’
MARUDI: Sekula Primari (SK) Long Sepiling enggau Opis Kaunsil Sungai Sarawak (LSS) Kandang Utara udah ngatur Program Kimpin Meri Penyedar iya nya ‘1 Express 1 Tong Sampah’ ba kandang menua di utara nengeri tu ke ngaul bagi menua Miri, Bintulu enggau Limbang.
Program nya udah dipejalai ba laman Terminal Orang Tambang Marudi ditu, ke mega udah ngayanka pengawa nyuaka tong muai uras ngagai pemesai ti gawa ba tetiap palan penyangkai nya.
Nitih ku Sapit Kontroller LSS Kandang Utara Leonard Luhat, batang tuju nya deka meri penyedar ngagai komuniti ba kandang menua nya sentang pemerat nyaga pemeresi rampa menua, kelebih agi ba palan mensia mayuh.
Berindik ari nya, iya meransang semua orang ti ngempu bot ekpres sereta orang tambang ngambika muai uras ba tong ke udah disedia LSS.
Luhat nambah, tetiap bit ekpres udah diagihka siti tong muai uras ke beoperasyen ba kandang utara, iya nya ba dua palan pnyangkai bot ekpres Marudi, dua ba Limbang lalu siti ba palan penyangkai Bintulu, tatau enggau Lawas.
Ba program nya mega bisi pengawa nyuaka tong muai uras ngagai kepala pengajar SK Long Sepiling Jaarin Mohd Majidi sereta orang ti ngempu Bot Ekpres Lee Yong iya nya huang Nen Seng.