PMU nagit 100% graduet bulih pengawa udah tembu belajar Ba taun 2016, 2017 kurang lebih 90% graduet palan pelajar tinggi nya teulihka pengawa sepengudah nembuka pelajar dia
MUKAH:Politeknik Mukah (PMU) nagit 100 peratus ari bala graduet palan pelajar nya bulih pengawa sepengudah tembu belajar.
Direktor PMU Leftenan Kolonel Bersekutu (PA) Abdubrani Yunus madah, institusyen nya diatu udah nyapai urung 90 peratus graduet dia udah bulih pengawa ba tuan 2016 enggau 2017 sepengudah tembu belajar.
“Kitai (PMU) deka nagit 100 peratus graduet teulihka pengawa sepengudah tu,” ku iya bejaku lebuh Progran Be- jadi Pengawa Nutup Karnival Kerjaya ba Balai Mayuhguna PMU kemari.
Ku iya, nya pekara ti endang positif ti deka dijapai lalu ukai pekara ti susah nyema bala graduet seruran ba jalai ke betul.
Bala nembiak patut naka ulih ngubah diri sida nyadi menyana agi ari tiap sukut.
Ba kenang sentang karnival nya, tu pengawa ti diatur piak sida ke seruran deka meri lalau begulai nengah kerejasama ejensi ti bekait.
Kaul ti manah entara institusyen pelajar sereta orang dalam industri mega ku iya siti pematut sereta ngadaka kaul ti positif.
Bisi 17 bengkah ejensi sereta kompeni sama nyereta karnival pengawa nya ti ngaul mayuh macham bidang.
Bala nembiak mega bisi bejual ba palan ke udah disediak dikena ngiri minat sida dalam pengawa dagang.
Sama bisi bejaku lebuh nya Ketuai Unit Korporat Sevis Industri enggau Palan Ngambi Orang Gawa (CISEC) Muhd Azlan Abd Aziz.
Kitai (PMU) deka nagit 100 peratus graduet teulihka pengawa sepengudah tu. Leftenan Kolonel Bersekutu Abdubrani Yunus Direktor PMU