Perengkaguna patut dijaga manah ke pemaik semua
SARIKEI: Kaban Parlimen Sarikei, Andrew Wong Ling Biu ngelalau mensia mayuh ngambika nyaga perengka guna baka hak enggi diri empu, ke pemauk semua piak.
Ku iya, ulah sekeda piak ti suah nguna perengka guna mensia mayuh nyadi rengka vandalisme endang patut dikemata serea diputar enggau lengkas.
“Rayat mega patut nemu ninting taun perintah udah ngagihka belanja besai sereta ngaku enggau ngemanah perengka guna ke udah rosak.
“Nya alai, kitai ngarap semua piak patut nemu penanggul tu lalu nyadi rayat ti beempu tanggungpengawa awakka pengawa ngerua belanja enggau meri belanja besai taudikena ungkup guna bukai, ku iya.
Andrew madah munyi nya rambau aum media, pengudah tembu bejalai ngabas pengawa ba Kompleks Sukan Sarikei, kemari.
Penemuai tu dikena ngulihka pansik ari piak perintah nengeri penyakal, Pejalai tu betuju nentuka pengerai ari piak Opis Menteri Dagang Temuai, Seni, enggau Main Asal Sesi penemuai tu digaga bekaul ari piak dagang temuai, seni, budaya, satey ke digaga sebedau tu.
Berebak engga nya, Pemesai Penguasa Opis Nembiak enggau Lumba Sarikei, Munir Din madah, pengawa ngemanahka Kompleks Sukan Sarikei udah bepun kenyau ari taun April 2017.
“Ungkus ngemanah kom- pleks tu beguna belanja RM2.9 juta, mungkur pengawa masang trend, padang main bol, gelanggang tenis, gelanggang bola tampar enggau gelanggang nikau peluru enggau besi mipau.
“Diatu pengawa ngemanah nya nyau deka tembu, lalu kitai madah ngagai piak opis menteri, pengawa ngemanah nya udah tembu, lalun kitai dipadahka puak opis menteri iya nya kompleks nya deka dibuka ngagai mensia mayuh bepun 16 Julai tu.
“Berebak enggau nya mega, kitai deka madah ngagai semua piak nyengkaum piak sekula, gerempung ukai perintah (NGO) enggau opis -opis perintah bekaul enggau pekara tu,” ku iya ba pengerami nya.
Ku tandu Munir, diatu piak sida benung fokus ngagai pengawa ngaga kereta kereja deka ngemanah kbeguna kompleks lumba enggau perengka guna bukai ke endang patut dikemanah.
Nya alai, ku iya komitmen enggau pemereti ati ari mensia mayuh bekaul enggau sesebengkah isu tauka pekaa tu diguna amat dikena nentuka pemujur perambu dudi hari
Nya alai, Kompleks Lumba Sarikei ke dibuka ke guna mensia mayuh ninting hari mega deka bepun ari pukul 6 pagi nyentuk 7 lemai.
Bela bisi datai ba penemuai tu iya nya Sekretari Politik Kaban Parlimen Sarikei, Rinda Alexander sereta kaban parti Tindakan Demokratik (DAP) Sarikei ke bukai.