Apai, anak bebadi nyawa ba Jalai Kuala Baram Bypass
MIRI: Pejalai pulai ke rumah nyau betukar nyadi penusah ba siku apai enggau anak lelaki iya bebadi nyawa pengudah kerita ke ditepan seduai iya kena penusah bebadi jalai raya enggau sebuah kerita pikap ( 4WD) ba Simpang Jalai Bahagia, Jalai Kuala Baram Bypass ditu malam ensana.
Ba penusah ke nyadi urung pukul 11 malam nya, seduai ke babadi nyawa iya nya Thomas Balang Apoi, 43, ari Vista Perdana Miri enggau anak lelaki iya, Elfhy Leonald Panai Thomas ke beumur lapan taun.
Bekau ari penusah nya, Elfhy Leonald Panai bebadi nyawa ba palan penusah nyadi lalu apai iya, Thomas Balang madamka seput maya benung diperubat ba sepital.
Ketuai Opis Pemansik enggau Penerit Adat Trafik Sarawak Superintenden Alexson Naga Chabu nengah penerang media iya ngenuku ke penusah bebadi nyawa nya ke mungkur sebuah kerita enggau 4WD.
Kenu ku iya, asil pansik tumu beratika kerita 4WD ke ditepan siku lelaki beumur 25 taun dalam rantau jalai ari Permyjaya nuju ke Pujut.
“Maya datai ba palan penusah nyadi, enda memukai sebuah kerita datai ari mua lalu masuk ngagai Simpang Jalai Bahagia iya nya simpang sepiak kiba kerita 4WD.
“4WD dipelabaka enda lanchat nyeliah lalu belantak enggau kerita ti ngujungka kededua kerita ensayar ngagai tisi jalai sepiak kiba ari tunga Permyjaya,” ku iya.
Alexson ngenuku ke penumpang kerita iya nya anak mit lalu madamka sepit ba palan penusah nya.
“Deriba kerita enggau 4WD dianjung ngagai Sepitak Miri ngena ambulan ngambika ulih diperubat tang mih dikenuku madamka seput maya diperubat ba sepita, berebak enggau orang ti derita 4WD semina telih mimit.
“Kes tu agi benung dipansik lalu pansik nengah Seksyen 41( 1) Akta Pengangkutan Jalai 1987,” ku oya.
Berebak enggau nya, penyinu ati balat diasai ba palan penusah bebadi maya sida sebilik enggau kaban belayan.