Anang enda berumban nyendiaka perengkaguna di menua pesisir
ulih disediaka.
“Dalam gaya politik diatu perintah nadai pilih bukai kelimpah ari nyendiaka enggau lengkas perengkaguna ke diguna rayat tu.
Perintah deka dipadahka enda mujur nyema perengkaguna tu mengkang enda ulih disediaka,” ku iya.
Iya mansutka pekara nya lebuh ti bejuraika Mosyen Pengaga Ati ba Jaku Tuai Megai menua (TYT ) Negeri Sarawak maya ba Aum Kunsil Nengeri (DUN) Ke-18 Hari Kel-5 ti diatur ba Kompleks DUN ditu, kemari.
Berebak enggau tu iya madahka ba sitak ke diarika iya beguna mayuh pemansang kemudahan asas baka jalai ngaga baru jalai ngagai lot betanam betupi peranak ba Palan Pengentap Pendiau Baru Bakun (BRS) Sungai Asap (135KM); ngaga baru jalai alternatif ke Lusong Laku (10KM); ngaga baru jalai alternatif ke SK Kuala Kebulu ( 10KM); ngemanahka jalai bekau balak ke Ulu Jelalong, Tubau ( 65KM), ke Palan Pengentap Pendiau Baru Tegulan, Murum (10KM), ke Palan Pengentap Pendiau Baru Metalun, Murum (20KM), ke Lusong Laku, Murum (55KM) sereta ngemanahka jalai bekau kayu batang ke Long Urun, Murum (38KM).
Nambahka nya iya mega minta perintah ngemanahka Jalai nuju genturung pendiau ke Rh Joseph/Rh. Jeranding, Ulu Jelalong (25KM); ngemanahka Jalai ke Rh. Mering Madang/ Rh Wan Usin/ Rh Resah/ Rh Ramli. Tubau (25KM) ngemanahka jalai ke Rh Ding Taman/Rh Ugak, Tubau ( 15KM); ngemanahka jalai ke Long Bala (10KM) enggau ngemanahka jalai ke Long Koyan (15KM).
Kelimpah ari nya iya mega meri pengaga sereta puji ngagai Kepala Menteri Datuk Patinggi Abang Johari Tun Openg ti ngaga pemutus enggau atur pengawa ke tuai runding sereta pintar mai semua komponen parti (PBB, PRS, SUPP enggau PDP) pansut ari Barisan Nasional (BN) lalu numbuhka GPS.
Penumbuh gempung parti baru asal nengeri tu Gabungan Parti Sarawak (GPS) ulih ngenegapka agi pengawa ti beratka nasit enggau hak rayat Sarawak kelebih agi Sempekat Malaysia 1963 (MA63).
“Tu mandangka pengeran enggau pengelurus ati YAB Datuk Patinggi, Kepala Menteri terus negika pupu bansa rayat Sarawak.
“Kitai patut bediri tegap, beserakup enggau terus meri sukung ngagai YAB Datuk Patinggi Kepala Menteri ke ngiring Nengeri Sarawak,” ku iya seraya madahka diri nyukung mosyen TYT.