Kejampatka atur ngeluar pala tanah ngagai pengempu estet sawit di Serian
KUCHING: SALCRA sereta Opis Tanah enggau Survei (JTS) dipinta ngelengkas atur ngeluar pala tanah ngagai orang ke ngempu NCR di lima estet sawit di Serian.
K a b a n K u n s i l Nengeri( ADUN) Kedup, Martin Ben madah, naka ke diatu semina 30 tauka 35 peratus aja ari penyampau 7,000 pesereta udah diberi pala tanah.
“Sigi nyadi tanggungpengawa aku ke nyadi pengari rayat nentuka pekara ke disemaya perintah dikeamat.
‘Berindik enggau nya aku minta SALCRA sereta Opis Tanah enggau Survei (JTS) netapka timpuh nembuka pengawa nyukat tanah NCR pesereta lalu ngeluarka pala tanah,’ku iya.
Martin mansutka jaku nya ba debate rambau Aum Kunsil Nengeri(DUN) Ke 18 ditu, kemari.
Iya nambah, timpuh 20 taun nganti surat pala tanah nya diberi ngagai pesereta kelalu lama.
SALCRA ba Serian udah numbuhka lima kebun sawit dandang besai kenyau ari taun 1990.
Lebih 12,000 hektar tanah NCR udah dikemansang ba estet Kedup 1, Kedup 2, Mongkos, Melikin enggau Taee.
Asil ari program pemansang nya ku Martin, dividen lebih RM200 juta udah diberi ngagai pesereta SALCRA.
“Dividen tu meri penguntung ngagai urung 5,000 iku orang ke ngempu tanah tauka pesereta ari 60 buah genturung pendiau ngelingi lalu mantu ngangkatka sosio ekonomi rayat,’ku Martin. KUCHING: Perintah nengeri dikearapka terus chakah sereta ngenyampatka pengawa nyendiaka perengkaguna kelebih agi di menua pesisir, dikena nentuka sukung tegap ari rayat.
Kaban Kunsil Nengeri (ADUN) Murum, Kennedy Chukpai Ugon madahka perintah nengeri tu patut beteladanka nama pekara ke nyadi maya pengawa bepilih apin lama.
“Rayat udah meri kelai ti nyata amat ba Pengawa Bepilih Besai Ke-14 (PRU14), ke alai perengkaguna baka jalai alun, bekal ai beresi enggau elekterik, sekula, sepital, pemansang pengawa berumah ke dipinta rayat ngambika